Słužba biaśpieki Ukrainy zaprasiła sustreču ź biełaruskimi kalehami. Pra heta Alaksandr Łukašenka zajaviŭ žurnalistam na ahulnavajskovym palihonie Abuz-Lasnoŭski ŭ Bresckaj vobłaści.
«Pavinien pryadčynić sakret, insajd: heta ž SBU dva dni tamu paprasiła ab sustrečy našych śpiecyjalistaŭ. Ja kažu: dobra, davajcie sustrakacca, jakija pytańni», — zajaviŭ Łukašenka.
Pra što supracoŭniki Słužby biaśpieki Ukrainy chočuć pahavaryć z supracoŭnikami Kamiteta dziaržaŭnaj biaśpieki Biełarusi, jon nie skazaŭ.
Łukašenka padkreśliŭ, što samyja hałoŭnyja temy abmiarkoŭvajucca zaŭsiody ŭ niepubličnaj płoskaści. «Heta ja pa svaim charaktary… mianie časta krytykujuć: tak, moža być, nie treba było pra heta kazać. Ja adkryty. Voś toje, što ja kažu, jano tak i jość. Nijakaha padmanu», — adznačyŭ jon.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary