Галоўны ідэолаг Мінабароны хацеў бы ўвесці выкананне дзяржаўнага гімна і ў дзіцячых садках. Але гэта не палітызацыя
Начальнік галоўнага ўпраўлення ідэалагічнай работы Міністэрства абароны Леанід Касінскі расказаў у эфіры тэлеканала СТВ, як ён бачыць патрыятычнае выхаванне сярод наймалодшага пакалення.
Касінскі згадаў, што ва ўсіх навучальных установах Беларусі ўжо адбываецца выкананне гімна і ўзняцце сцяга, хай і не кожны дзень, і гэта яму вельмі падабаецца:
«Можа быць, кожны дзень і не трэба. Што тычыцца размоў пра тое, палітызуем мы ці не, я скажу так: калі гэтыя размовы актыўна ідуць ад нашых апанентаў, калі іх пачынаюць бясіць усе нашы крокі і дзеянні па патрыятычным выхаванні, я для сябе даўно ўжо зрабіў арыенцір — значыць, усё робім правільна».
Тое, што цяпер робіцца, на яго думку, зусім не палітызацыя, а «нармальны працэс выхавання патрыёта сваёй краіны».
І дадаў, што будзь ягоная воля, то ён увёў бы выкананне гімна дзецьмі не толькі ў школах, але і ў дзіцячых садках.
Калі ж нехта з лукашэнкаўскага лагера трымаецца іншай думкі, «то, можа быць, гэты чалавек не да канца ўсведамляе нейкія моманты».
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома4
Каментары
Тупость деревянных солдат Урфина - залог успеха угнетённых