Крышціяну Раналду першым у свеце набраў больш за паўмільярда падпісчыкаў у інстаграме
Футбаліст зборнай Партугаліі Крышціяну Раналду стаў першым чалавекам у свеце, на Instagram якога падпісаліся больш за паўмільярда чалавек. Больш падпісчыкаў толькі ў карпаратыўнага акаўнта самой сацыяльнай сеткі — 569 мільёнаў.
У другога па колькасці падпісчыкаў блогера іх 376 мільёнаў. І гэта таксама футбаліст, аргенцінец Ліянэль Месі.
Раней Раналду таксама ставіў сацсеткавыя рэкорды. У пачатку 2021 года ён быў першым чалавекам, які сумарна набраў 500 мільёнаў падпісчыкаў у трох сацсетках — Twitter, Instagram і Facebook. Акрамя таго, двойчы Раналду станавіўся аўтарам пастоў, якія атрымлівалі найбольш лайкаў у Instagram.
Сумесны пост Раналду і Месі — фатаграфія, знятая Эні Лейбавіц па замове брэнда Louis Vuitton, — набраў 37 мільёнаў лайкаў у акаўнце Раналду і 28,6 мільёна лайкаў у акаўнце Месі.
Але гэты пост усё адно не дацягнуў да папулярнасці фатаграфіі звычайнага яйка — яна спадабалася 56 мільёнам карыстальнікаў Instagram.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары