16 лістапада на адным з гомельскіх заводаў спынілі працу 8 розных металаапрацоўчых станкоў. У прычынах разабраліся хутка — збой праграмнага забеспячэння. Пра здарэнне паведамілі ў міліцыю.
Аператыўнікі крымінальнага вышуку і групы па супрацьдзеянні кіберзлачыннасці Савецкага РАУС г. Гомеля ўстанавілі, што да гэтага датычны 35-гадовы наладчык станкоў і маніпулятараў з праграмным кіраваннем ўчастка механічнай апрацоўкі завода. Раніцай таго дня ён са свайго працоўнага месца выдаліў сістэмныя файлы і несанкцыянавана выключыў дзесяць зменных модуляў памяці з праграмным забеспячэннем станкоў і кіруючымі праграмамі апрацоўкі дэталі.
5 станкоў належалі ўласна заводу, 3 іншых знаходзіліся ў арэндзе мінскага холдынгу. З-за дзеянняў работніка на заводзе быў прыпынены выпуск шэрагу дэталяў, якія пасля іх вырабу падлягалі накіраванню на зборачны канвеер сталічнага завода. Прадпрыемству нанесены ўрон у суме больш за 55 тысяч рублёў.
Следчымі ў дачыненні да наладчыка заведзена крымінальная справа па факце мадыфікацыі камп'ютарнай інфармацыі, што пацягнула прычыненне істотнай шкоды. З мэтай устанаўлення цяжару наступстваў, прычыненых заводу, прызначаныя дадатковыя камп'ютарна-тэхнічныя экспертызы. Мужчына арыштаваны і змешчаны ў СІЗА.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары