Міністры абароны Расіі і Беларусі падпісалі пратакол, які датычыць бяспекі. Яго сэнс невядомы
Міністр абароны Расіі ў суботу прыехаў у Мінск на перамовы ў Мінабароны Беларусі. Сталі вядомыя некаторыя падрабязнасці.
Як паведамляе прэс-служба Мінабароны Беларусі, міністр абароны Рэспублікі Беларусь, генерал-лейтэнант Віктар Хрэнін і міністр абароны Расійскай Федэрацыі, генерал арміі Сяргей Шайгу абмеркавалі актуальныя пытанні двухбаковага ваеннага і ваенна-тэхнічнага супрацоўніцтва.
Таксама яны падпісалі пратакол паміж Рэспублікай Беларусь і Расійскай Федэрацыяй аб унясенні зменаў у Пагадненне паміж Рэспублікай Беларусь і Расійскай Федэрацыяй аб сумесным забеспячэнні рэгіянальнай бяспекі ў ваеннай сферы ад 19 снежня 1997 года.
Сэнс гэтых зменаў не паведамляецца.
«Беларускі Гаюн» піша, што падпісанне дакументаў адбылося не ў будынку Міністэрства абароны або іншага ведамства, а проста на аэрадроме ў Мачулішчах, верагодна, у будынку камандавання ВПС і СПА УС РБ, што «вельмі нетыпова і толькі падкрэслівае нейкую спешку».
Адразу пасля падпісання дакументаў Шайгу з Хрэніным накіраваліся ў Палац Незалежнасці на сустрэчу з Лукашэнкам.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары