Чат-бот ChatGPT даказвае, што «штучны інтэлект» нарэшце стаў мэйнстрымам
Даследчыкі гавораць пра «лішак магчымасцяў» або схаваныя навыкі і небяспекі штучнага інтэлекту і прадказваюць, што ўсё будзе яшчэ дзіўнейшым.
ChatGPT — гэта прататып чат-бота са штучным інтэлектам, распрацаваны OpenAI, які спецыялізуецца на дыялогу. Ён быў запушчаны ў лістападзе 2022 года і прыцягнуў увагу сваімі падрабязнымі і выразнымі адказамі, хаця яго фактычная дакладнасць падвяргалася крытыцы.
Ужо зараз карыстальнікі могуць рабіць з яго дапамогай даволі карысныя рэчы. Так, The Verge распавядае, што з дапамогай чат-бота можна напісаць «напалову прыстойны макрас Excel», які можа заашчадзіць вам некалькі гадзін працы. І для гэтага вам не трэба вучыцца кадзіраваць.
«Я задаў яму некалькі пытанняў, задаў яшчэ, змясціў гэта ў Excel, потым зрабіў некаторую адладку, — апісвае карыстальнік працэс. — Гэта было не ідэальна, але прасцей, чым шукаць у Google».
Такія інструменты, як ChatGPT, зрабілі «штучны інтэлект» агульнадаступным, як ніколі раней. У сацыяльных сетках людзі ўжо дзеляцца гісторыямі аб выкарыстанні ChatGPT для напісання кода, чарнавікоў паведамленняў у блогу, напісання эсэ ў каледжы ці падрыхтоўкі працоўных справаздач.
The Verge распавядае пра канцэпцыю, якая называецца «лішкам магчымасцяў» і адносіцца да схаваных мажлівасцяў штучнага інтэлекту: навыкаў і здольнасцяў, схаваных у сістэмах, якія даследчыкі яшчэ нават не пачалі даследаваць. Мадэлі штучнага інтэлекту параўноўваюцца з «чорнымі скрынямі»: яны настолькі вялізныя і складаныя, што даследчыкі часам самі не да канца разумеюць, як яны працуюць.
«Сучасныя мадэлі нашмат больш здольныя, чым мы думаем, і нашы метады, даступныя для іх вывучэння, вельмі наіўныя», — так апісаў гэтую канцэпцыю эксперт па палітыцы штучнага інтэлекту Джэк Кларк.
Лішак магчымасцяў — гэта тэхнічны тэрмін, але ён таксама выдатна апісвае тое, што адбываецца зараз, калі штучны інтэлект пераходзіць у грамадскі здабытак і становіцца мэйнстрымам. На працягу многіх гадоў даследчыкі былі «на ўзлёце», напампоўваючы новыя мадэлі хутчэй, чым яны маглі быць камерцыялізаваныя. Але ў 2022 годзе мноства новых дадаткаў і праграм раптоўна зрабіла гэтыя навыкі даступнымі для шырокай аўдыторыі, і ў 2023 годзе ўсё можа пачаць хутка змяняцца, кажуць спецыялісты.
Як дэманструе ChatGPT, вузкім месцам заўсёды была даступнасць. Сутнасць гэтай праграмы не зусім новая (яна заснаваная на ранейшай вялікай моўнай мадэлі, якая была выпушчана OpenAI ў гэтым годзе, і якая сама з'яўляецца абнаўленнем праграмы з 2020 года). Але паляпшэнне здольнасці мадэлі гаварыць з суразмоўцам, а пасля размяшчэнне размовы ў сеціве ў агульным доступе пазнаёміла з праграмай значна шырэйшую аўдыторыю.
Гэтую ж дынаміку можна заўважыць і ў развіцці генератараў малюнкаў штучнага інтэлекту. Гэтыя сістэмы таксама распрацоўваліся гадамі, але доступ быў абмежаваны рознымі спосабамі. Аднак у гэтым годзе такія сістэмы, як Midjourney і Stable Diffusion, дазволілі любому карыстацца гэтай тэхналогіяй бясплатна, і раптам «штучны інтэлект» з’явіўся паўсюль.
Аднак, як заўжды, перспектыва пашырэння магчымасцяў не абавязкова з'яўляецца толькі добрай навіной. Акрамя схаваных і новых магчымасцяў існуюць таксама і схаваныя новыя пагрозы. І іх даволі шмат. Як, напрыклад, каледжы адаптуюцца да распаўсюджвання эсэ, напісаных штучным інтэлектам? Ці будуць крэатыўныя індустрыі знішчаныя з-за распаўсюджвання ШІ? Ці збіраецца машыннае навучанне стварыць цунамі спаму, які назаўжды сапсуе інтэрнэт? А як наконт няздольнасці моўных мадэляў ШІ адрозніць факты ад выдумкі? Хутка мы зможам гэта высветліць.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары