Кніга беларускі Вольгі Прымачэнка «Да сябе пяшчотна. Кніга пра тое, як шанаваць і берагчы сябе» ўзначаліла рэйтынг самых папулярных электронных выданняў Расіі ў 2022 годзе, паведамілі ў прэс-службе сэрвісу «Литрес».
«Усяго было прададзена больш за 74 тыс. асобнікаў твора, яго продажы выраслі на 83% у параўнанні з 2021 годам», — адзначыў «Литрес».
«Да сябе пяшчотна» — кніга пра права кожнага адчуваць што заўгодна — і не саромецца гэтага. Яна выйшла ў 2020 годзе.
Другое месца ў рэйтынгу займае Джордж Оруэл і яго вечна актуальна раман «1984». У 2022 годзе ў Расіі продаж гэтага твора вырас на 45%.
Замыкае тройку расійскіх бестселераў у сегменце электронных кніг «Выбар. Аб свабодзе і ўнутранай сіле чалавека» Эдыт Евы Эгер — мемуары чалавека, які перажыў Халакост.
Вользе Прымачэнка 37 гадоў, яна жыве ў Мінску. Скончыла журфак БДУ. Яе кніга «Да сябе пяшчотна» папулярная і ў Беларусі.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары