Пра сваё вызваленне паведаміў сам Міронаў у фэйсбуку.
«Арыштавалі за падпіску на экстрэмісцкія суполкі ў фэйсбуку. Выйшаў сёння ў 18:10», — напісаў Ілья Міронаў.
Паводле слоў актывіста, ягоны тэлефон канфіскавалі.
Незадоўга да гэтага Міронаў адбыў 5 сутак арышту паводле арт. 19 КаАП (распаўсюд экстрэмісцкай прадукцыі).
Варта адзначыць, што пракуратура запатрабавала перагляду справы Ільі Міронава за «распальванне варожасці», паводле якой ён быў асуджаны на паўтара года зняволення.
Падчас следства валанцёр правёў амаль год у СІЗА да суда — гэты тэрмін быў прызнаны адбытым, пасля чаго Ілья адправіўся дадому проста з залы суда.
Каментары