Следчы камітэт паведаміў, што 5 студзеня на тэрыторыі комплексу «Мінск Свет» з вышыні чацвёртага паверха ўпаў муляр. Ён атрымаў сур'ёзныя траўмы, і выратаваць яго не ўдалося.
Следчыя высветлілі, што 31-гадовы рабочы знаходзіўся ў неагароджаным месцы ля краю маналітнай пліты без ахоўнага пояса.
Гэта далёка не першы выпадак смерці падчас будаўніцтва комплексу «Мінск Свет». Летась на гэтым аб'екце былі зафіксаваныя чатыры выпадкі траўматызму, тры з іх — са смяротным зыходам. У 2021-м годзе няшчасных выпадкаў было таксама чатыры, два з іх скончыліся смярцямі.
Перадапошні трагічны інцыдэнт адбыўся ў лістападзе. З вышыні 17-га паверха на 35-гадовага арматуршчыка ўпала металічная стойка. Мужчына атрымаў сур'ёзныя траўмы і памёр да прыезду машыны хуткай дапамогі.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары