«Малочны гасцінец» абнавіў выяву на ўпакоўцы, бо ранейшая не матывавала да куплі
Мінскі гарадскі малочны камбінат № 2 абнавіў лагатып свайго брэнда «Малочны гасцінец» і змяніў выяву на ўпакоўцы. Рабілася гэта, як сцвярджаецца, не так проста, а па выніках даследавання.
Даследаванне засведчыла, што традыцыйная карцінка лугу і кароў, якія на ім пасвяцца, змешчаная на ўпакоўцы малочнай прадукцыі, наўрад ці прымусіць новае пакаленне пакупнікоў прыняць рашэнне яе купіць. Новая выява прызнаная ў гэтым плане больш перспектыўнай.
Заадно кампанія памяняла і лагатып брэнда.
Каментары