Мы не проста змянілі візуальнае аблічча сайта, але і дадалі новыя функцыі, якія зробяць чытанне сайта Nashaniva.com больш зручным.
Апошні раз «Наша Ніва» абнаўляла дызайн у 2016-м годзе. У той час больш за палову нашых чытачоў заходзілі на сайт са сваіх камп’ютараў. Менавіта таму пры распрацоўцы таго дызайну тады першаснай была дэсктопная версія для вялікіх экранаў.
Сёння 85% карыстальнікаў чытаюць нас са смартфонаў. Наш новы дызайн распрацоўваўся з разуменнем гэтага.
Цяпер першае, што вы ўбачыце, калі адкрыеце сайт Nashaniva.com з мабільнага тэлефона, — гэта стужка апошніх навін. Яна размешчаная гарызантальна, а гэта значыць, што вам дастаткова адкрыць галоўную старонку, каб хутка зразумець, што адбылося за апошнія гадзіны. Гартайце направа, каб пабачыць новыя загалоўкі.
Пад стужкай навін — самы важны матэрыял на гэты момант. Гэта тое, чаму мы аддаём прыярытэт і раім вам прачытаць у першую чаргу. Адразу пад ім ідзе стужка галоўных навін дня.
Далей блокі матэрыялаў «Рэдакцыя рэкамендуе», «Самае чытанае», «Самае каментаванае», «Самае лайканае» і «Найбольш рэакцый», якія ўпадабала вялікая колькасць чытачоў, чаргуюцца з навінамі раздзелаў «Гісторыя», «Навука і тэхналогіі», «Здароўе», «Ежа», «Кіно» і іншымі. Мы дадалі гарызантальныя гарталкі ўва ўсе рубрыкі, таму вы можаце лёгка адшукаць тое, што адпавядае вашым цікаўнасцям.
Мы абнавілі стыль блока пад галоўным артыкулам, зрабілі яго больш заўважным. Тут рэдактары змяшчаюць іншыя важныя тэксты па тэме, якая вас зацікавіла. Звяртайце ўвагу на гэтыя загалоўкі — часта там перадгісторыя падзей альбо звязаныя сэнсава артыкулы.
Мы абнавілі стыль лайкаў, і цяпер нашы рэакцыі ідэнтычныя эмоджы ў папулярных месенджарах.
Дачытаўшы да канца тэкст, вам не трэба гартаць уверх старонкі, каб вярнуцца на галоўную. Гартайце ўніз — адразу пад тэкстам ідуць апошнія галоўныя навіны. Калі вы дагартаеце да самага нізу, старонка аўтаматычна абновіцца і вы вернецеся на стартавую.
Спадзяёмся, вы хутка прызвычаіцеся да новай версіі сайта і ўпадабаеце новыя магчымасці. Мы будзем радыя вашым водгукам, таму дзяліцеся эмоцыямі ў каментарах.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары
Ад Рэд. Дзякуй, што заўважылі. Перададзім праграмерам.