У БелАЗа з'явіўся незвычайны канкурэнт з Японіі. Ён першы ў сваім родзе і вось чаму
Новы кар'ерны самазвал ад японскай фірмы Hitachi паспяхова прайшоў усе выпрабаванні і ўжо працуе ў Замбіі.
Галоўнай фішкай машыны з'яўляюцца тралейбусныя штангі і наяўнасць цалкам электрычнага рухавіка, што ў сукупнасці робіць працу самазвала няспыннай і дазваляе яму падзараджацца на хаду, піша партал New Atlas.
Кампанія сцвярджае, што дадзеная інавацыя з'яўляецца першай у свеце, бо цалкам прыбірае вугляродныя выкіды і значна скарачае вытворчыя выдаткі. Самазвалу не трэба спыняцца ці пастаянна знаходзіцца пад электралініямі, а ягоная канструкцыя дазваляе браць на сябе ў сярэднім 221 тону карыснай нагрузкі (максімальную грузападымальнасць кампанія Hitachi пакуль не раскрывае. Напрыклад, у БелАЗа яна складае ад 450 да 500 тон. — «НН»).
З характарыстык новага самазвала вядома толькі тое, што ягоная даўжыня складае 14 метраў, дыяметр шын — 74 сантыметры, а сама машына сілкуецца рухавіком вытворчасці Cummins магутнасцю 2500 конскіх сіл.
Каментары
https://auto.onliner.by/2021/05/27/quarry-dust-and-electric-wires-part-2