Суд Фрунзенскага раёна Мінска вынес рашэнне аб накладанні штрафу на інтэрнэт-краму Wildberries за платнае вяртанне тавару. Рашэнне было прагназаванае, бо ў суд на кампанію падало само Міністэрства антыманапольнага рэгулявання і гандлю (МАРГ).
Судовыя пасяджэнні прайшлі 16 і 17 студзеня, па выніках якіх кампаніі выпісалі два штрафы — у 9 і 10 базавых велічынь (333 і 370 рублёў).
«У адпаведнасці з рашэннямі суда Фрунзенскага раёна Мінска на службовую асобу інтэрнэт-крамы Wildberries накладзеныя штрафы ў памеры дзевяці і дзесяці базавых велічынь (1 БВ — Br37)», — расказалі ў МАРГ.
Раней Wildberries ужо ўводзіў платнае вяртанне тавару, але адмяніў яго ў верасні па патрабаванні МАРГ. У снежні плата за вяртанне тавару вярнулася, а 14 студзеня інтэрнэт-крама зноў заявіла аб адмене платнага вяртання.
Чытайце таксама:
Wildberries зноў адмяняе плату за вяртанне тавару
Wildberries зноў хацеў увесці плату за вяртанне тавару, МАРГ зноў забараніла
Wildberries паспрабаваў зменшыць тэрмін захоўвання тавараў, але ўрэшце адкруціў усё назад
Лукашэнка пра пункты пропуску на мяжы з Польшчай: Ды хай хоць апошні закрыюць20
Каментары