«Сакрэтнае амерыканскае апытанне». Прэс-сакратар МЗС заявіў, што 70% беларусаў хочуць, каб краінай кіраваў Лукашэнка
Учора прэс-сакратар МЗС Анатоль Глаз пахваліўся: згодна з апытаннем амерыканскага інстытута, «71% беларусаў даверыў бы кіраванне краінай дзейнай уладзе, і толькі 7% — апазіцыі». Але адкуль гэтая інфармацыя?
У допісе Глаз кажа пра «нядаўняе апытанне, праведзенае Міжнародным рэспубліканскім інстытутам».
На сайце Міжнароднага рэспубліканскага інстытута, які базіруецца ў ЗША, нічога падобнага няма.
Згадка пра такое апытанне з'яўлялася на тэлеканале «Беларусь-1». У сюжэце ад 3 лістапада 2022 года сцвярджалася, што быццам бы прапагандысты здолелі атрымаць «закрытае даследаванне, праведзенае на замову Міжнароднага рэспубліканскага інстытута». Непасрэдным выканаўцам называюць Інстытут Гэлапа, які спецыялізуецца на сацапытаннях.
«Ёсць свае міжнародныя каналы», — тлумачаць на БТ, як атрымалі вынікі.
Гэтае апытанне быццам бы паказала, што толькі 1% людзей давярае Ціханоўскай, а больш за 70% людзей даверылі б кіраванне Беларуссю дзейнай уладзе. Таксама сярод найпапулярнейшых кіраўнікоў замежжа называюцца Пуцін і Сі Цзіньпін, якія быццам набралі па 30%, а заходніх лідараў — Шольца, Дуду, Макрона — адзначылі па 1% апытаных і менш.
Але ёсць нюанс: у сюжэце прапагандыстка Анастасія Бенедзісюк не паказвае само даследванне. Бэтэшнікі проста на словах сцвярджаюць, што нейкае даследаванне існуе.
«Наша Нiва» — бастыён беларушчыны
ПАДТРЫМАЦЬРаней хацела жыць ва Украіне — цяпер расказвае, што там нацысты. Хто такая Анастасія Бенедзісюк, новы твар прапаганды
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны3
Каментары