Аўто

У беларускіх канфіскатах прадаюць тры экзатычныя машыны

Сярод аўтамабіляў, якія па нейкіх прычынах арыштавалі ў Беларусі, ёсць даволі рэдкія асобнікі. Цяпер іх прадаюць з аўкцыёну, і гэта заўважыла выданне «Ганцавіцкі час».

Mahindra Scorpio Pickup

Што, вы не чулі пра такую экзотыку? Гэтую машыну нельга знайсці нават на сайце аўтааб'яў. А вось у канфіскаце яна ёсць.

Пікап проста як з індыйскага фільма

Што гэта за звер такі? Гэта індыйскі пікап. У канцы 2020 года паведамлялася, што такія машыны будуць збіраць у Беларусі на беларуска-брытанскім сумесным прадпрыемстве «Юнісан». Тады пісалі, што ў Беларусь быў дастаўлены асобнік для вывучэння.

Па характарыстыках — 2,2-літровы турбадызельны рухавік, 140 конскіх сіл, 6-ступенная механічная каробка. Заяўлены расход паліва — 7,9 л на 100 км.

У 2004 годзе індыйская кампанія Mahindra спрабавала замацавацца на расійскім рынку. Але правалілася — продаж не пайшоў. Зусім дрэнна пайшоў бізнэс і з брытанцамі ў Беларусі, бо менавіта ў кампаніі «Юнісан» і арыштаваны гэты экзатычны пікап.

У канфіскаце гэтую машыну прапануюць на аўкцыёне са стартавай цаной ад 25 тысяч 400 бел. рублёў. Хто ведае, можа зацікавіць якога аматара індыйскага кіно.

Zotye E200

Яшчэ трохі экзотыкі ў канфіскаце ад таго ж прадпрыемства «Юнісан». Электрычная кітайская малеча Zotye E200.

Маленькі электракар

Такіх у канфіскаце цяпер выстаўлена на аўкцыён аж 9 штук. Усе 2018 года, ідуць з малатка са стартавай цаной ад 17 тысяч 300 рублёў. У 2018 годзе на старце продажу за гэтую машыну прасілі 44 тысячы 390 рублёў.

Выглядае вядома, смешна, як электрычны зэдлік на колцах. Але ў аўтамабільным патоку відавочна на такую машыну будуць азірацца. Хоць і з усмешкай.

Па характарыстыках: двухмесная машына. Запас ходу на адной зарадцы — 220 кіламетраў. Ад звычайнай разеткі зараджаецца ад 6 да 8 гадзін. На АЗС — 30 хвілін. Ёсць электрашклопад'ёмнікі, падагрэў люстэркаў, кандыцыянер, круіз-кантроль, сэнсарны экран мультымедыя.

А як усё пачыналася. Менавіта ў 2018 годзе аўтажурналісты ў аглядах з захапленнем пісалі: «Нарэшце ў продажы!» Разважалі пра перспектывы зборкі гэтых маленькіх электракараў у Беларусі. А цяпер гэтыя «перспектывы» ў канфіскаце.

Думаеце, гэта ўсе машыны, якія могуць вас здзівіць у канфіскаце? А як вам наступная?

Беспілотны аўтамабіль

Гэты цуд кітайскай тэхнікі арыштавалі ў ТАА «Тэхналогіі Вялікага каменя». Мадэль называецца мудрагеліста — NJL6450ICEV. Стартавая цана на аўкцыёне — 57 тысяч 540 рублёў.

Мінулы раз яе хацелі прадаць летам 2022-га са стартавай цаной амаль 96 тысяч.

Які фурор будзе, калі паехаць на такім у краму?

Кампанію «Тэхналогіі Вялікага каменя» стварылі ў 2021 годзе. Яна павінна была займацца распрацоўкай беспілотнага транспарту на альтэрнатыўнай энергіі. Планавалася, што будзе супрацоўнічаць з Нацыянальнай акадэміяй навук Беларусі.

Гэты «беспілотнік» 2020 года выпуску мае электрычны рухавік магутнасцю 30 кВт. Запас ходу на адной зарадцы — 180 км. Каму можа спатрэбіцца такі цуд інжынернай думкі, складана ўявіць.

Чытайце таксама:

З Беларусі спрабавалі вывезці рарытэтныя машыны

У Мінску прадаюць два прататыпы Ё-мабіляў. Колькі просяць за аўто, якія могуць перасоўвацца толькі на эвакуатары

«За 100 000 даляраў можна ўсе машыны прадаць, але я не прадаю». Гродзенец сабраў унікальную калекцыю рэтрааўтамабіляў

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць