Грамадства2323

«Пад мудрым кіраўніцтвам архітэктара суверэннай Беларусі». Качанава задае новы канон культа асобы

Старшыня Савета Рэспублікі Наталля Качанава скарыстала трыбуну Міжнароднай навукова-практычнай канферэнцыі «Беларускае правасуддзе: гістарычны вопыт і сучаснасць», каб узяць новыя вяршыні ўслаўлення Аляксандра Лукашэнкі.

Фота: БелТА

«Інстытуты судовай улады прайшлі сур'ёзнае выпрабаванне часам, назапасілі неацэнны вопыт савецкай сістэмы права, школы судовага ладу і судаводства, прымножылі найлепшыя практыкі», — цытуе БелТА словы Наталлі Качанавай.

«Стратэгія на пабудову сапраўднай дзяржавы для народа, якая зацвярджаецца на Усебеларускім народным сходзе, цалкам прадвызначыла развіццё судовай улады», — сказала яна.

«Пад мудрым кіраўніцтвам нашага прэзідэнта, архітэктара суверэннай Рэспублікі Беларусь, Аляксандра Лукашэнкі мы пайшлі па эвалюцыйным шляху, без узрушэнняў і неабдуманага капіравання замежнага вопыту.

Вызначыліся, што, не ламаючы складзеную структуру судовай улады, якая добра зарэкамендавала сябе, будзем удасканальваць у спакойным ключы. Мы ішлі ад жыцця, ад магчымасцяў дзяржавы на канкрэтным этапе яго развіцця. Пры гэтым абсалютна дакладна разумеючы, што для народа галоўнае — мір і стабільнасць, і судовая сістэма павінна працаваць перш за ўсё на гэта», — падкрэсліла Наталля Качанава.

62-гадовая Наталля Качанава — адна з самых уплывовых асоб у атачэнні старэючага дыктатара Беларусі.

Згодна са зменамі, унесенымі ў Канстытуцыю на рэферэндуме 2022 года, у выпадку смерці Аляксандра Лукашэнкі (за выключэннем выпадку яго забойства) Наталля Качанава, як старшыня Савета Рэспублікі, становіцца яго пераемніцай і кіруе краінай да новых выбараў. 

Яе кар'ерны ўзлёт пачаўся ў 2014 годзе, калі Аляксандр Лукашэнка, як сам прызнаваўся, па рэкамендацыі спецслужбаў прызначыў яе на пасаду віцэ-прэм'ера.

У анкеце на сайце Наваполацкага гарвыканкама Качанава пазначала сябе як «руская». Род яе бацькі паходзіў з Падмаскоўя, сваякі працавалі на кухні ў Крамлі пры Іосіфе Сталіне — на такую пасаду тады дапускалі толькі агентаў НКВД.

Качанава была цэнтральнай асобай у арганізацыі адказу дзяржавы на пандэмію кавіду, якую доўгі час замоўчвалі і адмаўлялі. Качанава тады заслужыла давер Аляксандра Лукашэнкі, бо аддана праводзіла вызначаную ім лінію, у выніку чаго Беларусь мае адны з найгоршых у свеце лічбы смяротнасці, за 2020—2021 гады насельніцтва краіны скарацілася на 154 тысячы чалавек.

Як знак асаблівай увагі і важнасці, Наталлю Качанаву цяпер ахоўвае 47-гадовы Андрэй Лукашын, які раней быў асабістым ахоўнікам Аляксандра Лукашэнкі.

Каментары23

  • Ёсік
    15.02.2023
    [Рэд. выдалена]
  • Ёсік
    15.02.2023
    Якая ў нас пабудавана найцудоўнейшая судовая сістэма, народная. Вунь чытаю, затрымалі пластычнага хірурга на тым тыдні, і па сёняшні час адвакат з ім не сустрэўся. Тых адвакатаў сумленных ужо не засталося. Каб у вас языкі паадсыхалі.
  • Mar
    15.02.2023
    Под мудрым руководством гениального руководителя страна находится в полной изоляции  на грани исчезновения. Даже мигранты из воюющей Сирии и Ирака после неудачного штурма границ всеми путями пытались вернуться домой. А по возвращении благодарили бога, что им удалось вырваться из этого ада.

Як здароўе ў Рыгора Кастусёва?

Як здароўе ў Рыгора Кастусёва?

Усе навіны →
Усе навіны

«Гэта разумее нават Зянон Пазняк». БелТА выпусціла артыкул з кампліментамі старой апазіцыі67

У пяцідзесяціградусны мароз у вёсцы ў Сібіры знікла ацяпленне3

У Гомелі падлетак прынёс у школу нож, каб забіць аднакласнікаў, якія з яго здзекаваліся10

Следчыя Украіны падазраюць супрацоўнікаў МУС у забойстве беларуса Жызнеўскага, якое адбылося 11 гадоў таму4

Сабака любіў у зубах насіць тэлефон. Гэта прывяло да смерці гаспадыні і двух сабак1

З турмы ў ЗША выпусцілі 80-гадовага Леанарда Пелціера — ікону савецкай прапаганды9

Belpol атрымаў спісы членаў выбарчых камісій

Пасля няшчаснага здарэння беларус памёр у палітычнай эміграцыі ў Польшчы2

Трамп абвясціў пра стварэнне мегапраекта па развіцці штучнага інтэлекту. У кампанію ўкладуць паўтрыльёна долараў4

больш чытаных навін
больш лайканых навін

Як здароўе ў Рыгора Кастусёва?

Як здароўе ў Рыгора Кастусёва?

Галоўнае
Усе навіны →