Затрыманы гендырэктар «Мапіда». Імаверна, па справе былога намесніка старшыні Мінгарвыканкама
Як стала вядома «Нашай Ніве», днямі быў затрыманы Мікалай Мілашэўскі — генеральны дырэктар найбуйнейшай дзяржаўнай будаўнічай кампаніі «Мапід».
Мікалай Мілашэўскі — фігура ў будаўнічых колах прыкметная. Намеснік кіраўніка Саюза будаўнікоў Беларусі, «Мінчанін года — 2010», лаўрэат урадавых прэмій. Заслужаны і вядомы будаўнік, які ўзначальвае «Мапід» з 2016-га.
Да таго пяць гадоў ён узначальваў «Мінскбуд», а яшчэ раней прайшоў амаль усю кар'ерную лесвіцу ў 15-м Будтрэсце.
Мілашэўскі быў адным з кіраўнікоў падчас узвядзення палаца для Лукашэнкі на праспекце Пераможцаў.
Яго затрыманне адбылося днямі.
Падрабязнасці прэтэнзій нам невядомыя, але вядома, што затрыманне Мілашэўскага адбылося ў рамках справы супраць былога намесніка старшыні Мінгарвыканкама Дзмітрыя Мікулёнка, які курыраваў будаўніцтва ў сталіцы.
Чытайце таксама: Затрымалі чыноўніка, які забараніў вернікам маліцца каля Чырвонага касцёла
Фармальна «Мапід» — акцыянернае прадпрыемства, прыватная кампанія, але па факце ўсе акцыі належаць дзяржаве ў розных яе юрыдычных праявах.
«Мапід» — гэта буйны вытворца будаўнічых матэрыялаў і непасрэдна кампанія-будаўнік поўнага цыкла.
У лепшыя гады яна будавала да 650 тысяч квадратных метраў у год. Пад дзве траціны ўсяго жылля ў сталіцы і цяпер будуецца «Мапідам».
Пасля пратэстаў Мілашэўскі звольніў дзясяткі людзей, якія падтрымлівалі дэмакратычныя змены.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў1717
Каментары