У Чарнігаве перайменавалі 37 вуліц і завулкаў, назвы якіх звязаныя з Расіяй і Беларуссю
Між іншых з карты горада зніклі вуліцы Брэсцкая, Мінская і Мазырская, а таксама Мінскі і Мазырскі завулкі.
Мясцовыя ўлады падкрэсліваюць, што гэта не толькі дэрусіфікацыя тапонімаў, але і барацьба са згадкамі пра краіны-агрэсары. «Гэта змена ўспрымання нашага свету», — кажа дэпутатка мясцовай рады Ірына Саламаха.
Рашэнне прымеркавалі да ўгодкаў пачатку паўнамаштабнай расійскай агрэсіі.
Былую вуліцу Брэсцкую перайменавалі ў гонар украінскага вайскоўца Максіма Белаконя, які загінуў 27 лютага 2022 года пры абароне Чарнігава.
Былыя вуліца і завулак Мінскія будуць насіць імя ўкраінскай пісьменніцы ХІХ — пачатку ХХ стагоддзяў Ганны Барвінак, якая была родам з Чарнігаўшчыны.
Вуліцу і завулак Мазырскія перайменавалі ў гонар украінскай мастачкі Кацярыны Білакур, якая пісала свае творы ў жанры «наіўнага мастацтва».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары