ISW папярэдзіў аб падрыхтоўцы Расіі да аперацый пад ілжывым сцягам на поўдні Беларусі
Крэмль стварае ўмовы для аперацыі пад чужым сцягам на мяжы Чарнігаўскай вобласці і ў Прыднястроўі, піша Інстытут вывучэння вайны (ISW). Аперацыя на поўначы Украіны можа пераследваць мэту ўцягнуць Беларусь у вайну або адцягнуць украінскія сілы з усходняга кірунку. Аперацыя ў Прыднястроўі можа быць накіравана на тое, каб сказіць словы Уладзіміра Зяленскага аб падрыхтоўцы расійскіх правакацый у Малдове.
Паведамляецца, што ў раёне мяжы з Чарнігаўскай вобласцю быў зафіксаваны рух вайсковай тэхнікі без апазнавальных знакаў, вынікае з даных украінскай разведкі. Калону суправаджалі, па яе даных, вайскоўцы, апранутыя ў форму, падобную да ўкраінскай.
Мэта аперацыі пад ілжывым сцягам у гэтым раёне можа быць у тым, каб абвінаваціць Украіну ў парушэнні тэрытарыяльнай цэласнасці Беларусі, вынікае з паведамлення аператыўнага камандавання «Поўнач» УСУ. Такім чынам Крэмль можа спрабаваць уцягнуць беларускае войска ў вайну з Украінай, мяркуе ISW. На мінулым тыдні Аляксандр Лукашэнка казаў, што Беларусь уступіць у вайну толькі ў выпадку нападу з боку Украіны.
Яшчэ адна магчымая мэта такой аперацыі — аслабіць абарону Украіны на ўсходзе краіны, прымусіўшы Кіеў трымаць значную колькасць вайсковых злучэнняў на поўначы, пішуць аналітыкі. На іх думку, гэта можа быць неабходна Расіі ў рамках падрыхтоўкі контрнаступлення.
ISW удакладняе, што па-ранейшаму лічыць напад Беларусі ці Расіі на паўночныя рэгіёны Украіны малаверагодным.
Аб павелічэнні актыўнасці расійскай тэхнікі на мяжы Украіны і Беларусі, піша і праект WarMonitor.
Крэмль таксама стварае ўмовы для правядзення аперацыі пад чужым сцягам у Прыднястроўі, працягвае ISW. Міністэрства абароны Расіі ў чацвер двойчы заявіла аб падрыхтоўцы Украіны да ўварвання ў Прыднястроўе.
Верагодна, пішуць ваенныя аналітыкі, расійскае Мінабароны імкнулася сказіць папярэджанне прэзідэнта Украіны Уладзіміра Зяленскага аб магчымых планах Крамля па дэстабілізацыі сітуацыі ў Малдове, зробленае ім 13 лютага.
«This f*cking AI». Перакладчык Лукашэнкі пры прэзідэнце ААЭ выкарыстаў недыпламатычнае слова9
Каментары
luka zaraz nahniataje, rychtuje da pravakacyi.
Miarkuju što rusaki paviaducca, vyrašać što kab dacisnuć patrebnaja pravakacyja pad ukrainskim ściaham i praviaduć jaje
luka zrobić vyhliad što pavieryŭ i ŭsurjoz pierastraliaje pravakataraŭ. Kali nie paśpieje pierastraliać bo pazvoniać rusaki i skažuć što liudzi ichnyja, zrobić ździŭlieny tvar i raźviadzie rukami.
Ukraincam luka nieaficyjna daść znać što nie źbirajecca lieźci na ichnuju terytoryju i spynicca roŭna na miažy. Ukraincy ŭ adkaz taksama nie paliezuć.
Publična pry hetym luka skaža što byla adbitaja ahresija, vorah vykinuty, a čužoha nam nia treba. Pad vyhliadam loŭli špijonaŭ i bandaŭ jašče boĺš uzmacnić represii i mahčyma pačnie rasstreĺvać represavanych užo ŭ adkrytuju, jak byccam špijonaŭ. Mahčyma ŭviadzie vajennaje stanovišča, alie tak kab nie spyniać transit z rasii ŭ Lietuvu.