У інтэрнэце апублікавалі відэа, як камандуючы расійскай групоўкай у Беларусі танцуе аголены. Інтрыга — для каго
Апошнімі днямі ў інтэрнэт злілі адразу некалькі порцый кампрамату на расійскага высокапастаўленага генерала Аляксандра Матоўнікава, які камандуе цяпер расійскімі войскамі ў Беларусі. Спачатку ў сеціва злілі відэа, дзе генерал танцуе аголены, а пазней — яго перапіску з «палюбоўнікам».
Напярэдадні ў сеціве з'явілася відэа, на якім Аляксандр Матоўнікаў танчыць эратычны танец. Адбылося гэта праз дзень пасля таго, як на аэрадроме ў Мачулішчах адбылася дыверсія супраць расійскага вайсковага самалёта.
На гэтым хакеры не спыніліся і злілі ліставанне генерала з нібыта «палюбоўнікам». Кадрамі перапіскі падзяліліся аўтары тэлеграм-канала «Шукай сваіх».
Новы кампрамат на намесніка кіраўніка Сухапутных войскаў РФ з'явіўся праз усяго пару гадзін пасля рэзананснага відэа. І гэта выглядае ўжо на свядомую кампанію супраць генерала, пакуль толькі незразумела, кім арганізаваную.
Крыніца паведамляе, што перапіску з «палюбоўнікам» Матоўнікаў вёў на сваёй старонцы ў інстаграме. Яна датуецца 14 лютага — Днём святога Валянціна. Хоць нельга выключаць, што старонку генерала проста ўзламалі.
Пазней у расійскіх шавіністычных тэлеграм-каналах з'явіліся публікацыі, што пікантнае відэа з генералам праўдзівае, але танцаваў ён для жонкі і ёй высылаў відэа.
«Акрамя Зоркі Героя Расеі, у генерала Матоўнікава яшчэ шмат баявых і дзяржаўных узнагарод. Ёсць павага падначаленых і мэта. А гэтага больш чым дастаткова для генерала ваюючай арміі. Нават калі ён часам успамінае пра сваю сям'ю і здымае пікантныя відэа для сваёй жонкі. Кожны мае права на асабістае жыццё і таямніцу перапіскі», — піша канал Рыбар.
Аляксандр Матоўнікаў нарадзіўся ў 1965 годзе ў Маскве. З 2020 года ён намеснік начальніка Сухапутных войскаў РФ, а цяпер узначальвае расійскія войскі на тэрыторыі Беларусі. Быў двойчы жанаты, і ў яго трое дзяцей. Некаторы час жыў у доме Ахмата Кадырава, а цяпер цесна сябруе з Рамзанам.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары