«Байпол» сцвярджае, што ўдзельнікі плана «Перамога» два тыдні вялі аэраназіранне за самалётам, іх дрон падлятаў да яго, сядаў на радар і паспяхова вяртаўся назад.
«Дзіравая СПА лукашыстаў», — так называецца гэтае відэа.
У апублікаваным відэа няма прыкмет скідання на самалёт выбухоўкі.
Мяркуючы па цені на відэа, разведка рабілася дронам DJI FPV.
«Дрон бесперашкодна пралятае на тэрыторыю аэрадрома, спакойна кружыць вакол найкаштоўнейшага расійскага самалёта і нават ажыццяўляе пасадку прама на яго антэну РЛС (т.зв. «талерку»), а затым проста ляціць.
Можна сказаць, што такім чынам было залічана ўмоўнае знішчэнне борта, бо ў выпадку падрыву БПЛА проста на «талерцы» самалёта або ў яго рухавіку наступствы былі б катастрафічнымі», — піша расійскі вайсковы блогер milinfolive.
Каментары