Кітай плануе павялічыць ВУП на 5%. Такая мэта была абвешчана на сесіі Усекітайскага сходу народных прадстаўнікоў.
Летась прырост ВУП склаў 3% пры плане росту 5,5%. Невыкананне плана было звязана з кавідам.
Варта адзначыць, што ў такіх таталітарных краінах, як Кітай, статыстыка часта бывае падманнай.
Урад Кітая чакае ў 2023 годзе інфляцыю 3%. Дэфіцыт бюджэту мае вырасці да 3%, што на 0,2% больш, чым у 2022-м.
Аналітыкі называюць мэту 5% эканамічнага росту «сціплай». За апошнія 30 гадоў Пекін ні разу не ставіў такіх нізкіх задач. Гэта азначае, што ўрад Кітая не будзе актыўна ўпампоўваць грошы ў эканоміку, што будзе мець тармозячы эфект і на сусветную гаспадарку.
Звяртае ўвагу тое, што Пекін таксама абвясціў пра рост вайсковых выдаткаў на 7,2%, што стала самым высокім тэмпам росту за апошнія гады. Яны дасягнуць 1,55 трлн юаняў, або каля 225 мільярдаў даляраў.
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы28
Каментары