Як паведаміла прэс-служба Крамля, у Марыупалі прэзідэнт Расіі агледзеў шэраг абʼектаў горада, а таксама пагутарыў з мясцовымі жыхарамі.
Па даных прэс-службы, Пуцін прыляцеў у Марыупаль на верталёце. Затым ён сам за стырном аўтамабіля «абʼехаў некалькі раёнаў горада, робячы прыпынкі».
Яго азнаёмілі з ходам аднаўленчых работ у горадзе і ваколіцах. «У прыватнасці, гаворка ішла аб будаўніцтве новых жылых мікрараёнаў, сацыяльных і адукацыйных абʼектаў, інфраструктуры ЖКГ, медыцынскіх устаноў», — адзначылі ў прэс-службе.
Затым Пуцін правёў нараду ў камандным пункце спецыяльнай ваеннай аперацыі ў Растове-на-Доне.
«Кіраўнік дзяржавы заслухаў даклады начальніка Генеральнага штаба УС РФ Валерыя Герасімава і шэрагу военачальнікаў», — паведамілі ў Крамлі.
СМІ публікуюць відэа Пуціна за стырном нібыта з Марыупаля. Рух транспарту, як вынікае з відэа, не быў для яго перакрыты.
Перад гэтым прэзідэнт Расіі прыехаў у акупаваны Крым.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё6
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары