Дзяржкантроль прыбраў з паліц крамы ў Гомелі пратэрмінаваную прадукцыю — паліцы засталіся пустымі ФОТА
За грубыя парушэнні заканадаўства аб якасці і бяспецы прадукцыі прыпыненая праца некаторых падраздзяленняў крамы «Дыяніс» у Гомелі, паведамляе КДК.
Камітэт дзяржкантролю Гомельскай вобласці ў адным з гандлёвых абʼектаў сеткі «Дыяніс» зафіксаваў пратэрмінаваную кулінарную прадукцыю ўласнай вытворчасці, на прадукцыю ў гандлёвым абʼекце адсутнічалі дакументы, якія пацвярджаюць яе якасць і бяспеку, давалася недакладная інфармацыя пра час і дату вытворчасці.
КДК канфіскаваў з продажу 195 кг прадукцыі, у якой выйшаў тэрмін прыдатнасці.
Акрамя таго, у гандлёвым абʼекце пакупнікам прапаноўваліся «са зніжкай» загнілыя перцы, усохлыя, з цёмнымі плямамі лімоны і бананы з парушэннем цэласнасці лупіны, што забаронена санітарнымі нормамі і правіламі, піша прэс-служба КДК.
За парушэнні заканадаўства КДК закрыў абʼект грамадскага харчавання і аддзел па рэалізацыі гатовай кулінарнай прадукцыі гандлёвага абʼекта да ліквідацыі парушэнняў.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары