«Радыё Свабода» створыць забаўляльнае тэлебачанне, якое хоча прыцягнуць зорак накшталт Максіма Галкіна
Фундаваная ўрадам ЗША арганізацыя RFE/RL, у якую ўваходзіць «Радыё Свабода» і тэлеканал «Настоящее время», стварае забаўляльнае тэлебачанне, паведамілі чатыры крыніцы «Агенцтва» і пацвярджае RFE/RL. Да працы над ім прапануецца прыцягнуць расійскіх зорак, у тым ліку Максіма Галкіна.
Паводле крыніц, забаўляльнае тэлебачанне — гэта платформа Votvot. Банер з назвай платформы выстаўлялі ў студзені пры адкрыцці рыжскага офіса RFE/RL. Платформа таксама згадвалася ў паведамленні аб адкрыцці рыжскага офіса, аднак ніякіх іншых дэталяў пра яе тады не паведамлялася.
Votvot прадставіць недаступны ўнутры Расіі культурны кантэнт, у тым ліку сатыру без цэнзуры, музыку выгнаных і забароненых выканаўцаў, дакументальныя фільмы на вострыя тэмы, а таксама навіны, паведаміў «Агенцтву» прадстаўнік RFE/RL.
Ён таксама ўдакладніў, што Votvot будзе бясплатна даступны ва ўсіх асноўных крамах мабільных дадаткаў і Smart TV, а таксама ў сацыяльных сетках, уключаючы YouTube.
Два суразмоўцы «Агенцтва», знаёмыя з тым, што адбываецца на «Радыё Свабода», чулі пра планы запрасіць сатырыка Максіма Галкіна. Адзін з іх распавёў, што да працы над платформай прыцягнуты сцэнарыст і пісьменнік Міхаіл Ідаў («Лондоград», «Духless 2», «Лета»).
«Радыё Свабода» на пытанне, ці вяліся перамовы з Галкіным і ці зʼявіцца ён на новай платформе, паведаміла, што «з вялікай павагай ставіцца да Максіма Галкіна, але цяпер ён не ўдзельнічае ў гэтай ініцыятыве». Міхаіл Ідаў супрацоўнічае з вяшчальнікам як дарадца.
Платформа Votvot павінна запрацаваць ужо ў гэтым месяцы, распавёў адзін з суразмоўцаў.
Пасля пачатку вайны расійскія зоркі, якія выступаюць супраць вайны, сутыкнуліся з масавай адменай сваіх канцэртаў. Іх таксама прыбралі з эфіраў.
Цяпер чытаюць
Хто забараняе ў Беларусі кнігі — вось гэтыя 22 чалавекі31
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Ня глядзiце раceйскамоўныя цiктокі інстaграмы ютубы, не спрыяйце руciфікацыі, калі ёсць свае, есць англійскія, нямецкія, іспанскія, французкія, іспанскія, украінскія.
Можна лёгка пражыці без расейскай!
Hашыя пpoдкі на рacейскай не paзмaўлялі! гэта ўсе прымycoва нacaджaна!