Нацбанк збіраецца дазволіць фізічным асобам «засакрэчваць» свае крэдытныя гісторыі
Нацбанк Беларусі рыхтуе папраўкі ў прыняты яшчэ ў 2008 годзе закон аб крэдытных гісторыях, якія ў тым ліку дазваляюць фізічным асобам устанаўліваць забарону на азнаямленне са сваімі крэдытнымі гісторыямі.
Рэгулятар спадзяецца, што такая папраўка дазволіць абараніць крэдытаатрымальніка ад ашуканскіх дзеянняў і выяўлення кампраметуючых звестак. Без ведама фізасобы атрымаць такую інфармацыю змогуць толькі суды і праваахоўныя органы.
Акрамя таго, плануецца значна пашырыць аб'ём інфармацыі, што ўносіцца ў Крэдытны рэгістр Нацбанка.
Акрамя крэдытаў банкаў, у рэгістр будуць уносіцца даныя аб прадстаўленых фізічнай асобе адтэрміноўках і растэрміноўках гандлёвымі аб'ектамі і мабільнымі аператарамі, а таксама звесткі аб прадстаўленых фінансавымі арганізацыямі пазыках і дагаворах аб пераўступцы доўгу.
Цяпер чытаюць
Міліцыя прапануе, каб амністыя закранула амаль усіх асуджаных за наркотыкі3
Міліцыя прапануе, каб амністыя закранула амаль усіх асуджаных за наркотыкі
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі77
Каментары