У Беларусі забаранілі яшчэ 17 кніг, у асноўным заходніх аўтараў
Міністэрства інфармацыі абнавіла спіс забароненых да распаўсюду друкаваных выданняў. У яго дададзена яшчэ 17 кніг.
«Дзікія хлопчыкі» вядомага амерыканскага пісьменніка Уільяма Бероўза ўпершыню выйшлі ў 1971 годзе
«Спіс шкоданосных кніг» папоўнілі:
- Леа Стэнберг. «Ваўкі. Брацтва заганы»;
- Леа Стэнберг. «Ваўкі. Варг | Веум»;
- Селін Данжан. «Калодзеж смерці»;
- Хань Сун. «Нячыстыя душы»;
- ХС Далорэс. «Узаемнасць»;
- Джэнет Уінтэрсан. «Начны бок ракі»;
- Сорэн Свейструп. «Каштанавы чалавечак»;
- Сілье Ульстайн. «Шэпт пітона»;
- Медына Мірай. «Альтэрнат. Вораг за спінай»;
- Таццяна Сцяпанава. «Калясніца часу»;
- Уільям Бэроўз. «Дзікія хлопчыкі»;
- Медына Мірай. «Рака маіх шкадаванняў»;
- Робін Фокс. «Наша рыбка»;
- Ізабэль Стэрлінг. «Гэтыя ведзьмы не гараць»;
- Сарына Боўэн, Эль Кенэдзі. «Мы»;
- Сарына Боўэн, Эль Кенэдзі. «Ён»;
- Сарына Боўэн, Эль Кенэдзі. «Эпічна».
«Рашэнне аб забароне да распаўсюджвання на тэрыторыі нашай краіны прыняла на пасяджэнні Рэспубліканская камісія па правядзенні ацэнкі сімволікі, атрыбутыкі, інфармацыйнай прадукцыі. Усе гэтыя выданні здольныя нанесці шкоду нацыянальным інтарэсам нашай краіны», — так аргументавалі ў Міністэрстве патрэбу ўнясення ў спіс гэтых выданняў.
Цяпер ён налічвае 258 пазіцый.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары