Праз тры гады пасля выбараў у Беларусь рызыкнуў прыехаць прыяцель Бабарыкі і «назіральнік ад «Газпрама» Аляксандр Мяшкоў
Аляксандр Мяшкоў прыехаў на радзіму пасля доўгага перыяду, калі ён на гістарычнай радзіме не бываў. Той перыяд пачаўся з прэзідэнцкіх выбараў — 2020. Мяркуючы па сацыялагічных апытаннях, на тых выбарах безумоўным фаварытам грамадства быў кіраўнік Белгазпрамбанка Віктар Бабарыка, якога з Аляксандрам Мяшковым звязвалі персанальныя і працоўныя сувязі.
Аляксандр Мяшкоў — адзін з двух сыноў знакамітага гандбольнага трэнера Анатоля Мяшкова, у гонар якога названы брэсцкі гандбольны клуб.
Сам Анатоль Мяшкоў нарадзіўся ў Касцюковіцкім раёне, але потым пераехаў у Брэст, дзе ў яго нарадзілася двое сыноў.
Адзін з іх, Сяргей, зрабіў кар'еру ў расійскіх сілавых структурах, другі, Аляксандр, — у «Газпраме».
Аляксандр Мяшкоў даслужыўся да дарадцы кіраўніка «Газпрама» Аляксея Мілера, намесніка кіраўніка апарата «Газпрама» і кіраўніка назіральнай рады «Газпрам трансгаз Беларусь».
Прасцей кажучы, Аляксандр Мяшкоў апошні час назіраў за газпрамаўскімі справамі ў Беларусі.
Галоўны актыў «Газпрама» ў Беларусі — гэта газавая труба, якую Лукашэнка прадаў расіянам.
А грошы газпрамаўскіх структур у Беларусі, галоўная з якіх — «Газпрам трансгаз Беларусь», ляжаць і заўсёды ляжалі ў Белгазпрамбанку, якім кіраваў Віктар Бабарыка.
Да Клуба імя Мяшкова Віктар Бабарыка дачынення не меў, Белгазпрамбанк клуба не спансараваў.
Два менеджары часта сутыкаліся ў працоўных справах, а таксама ў моманты адпачынку. Людзі расказвалі «Нашай Ніве», што Бабарыка з Мяшковым неаднойчы арганізоўвалі адпачынак топам «Газпрама» ў Белавежскай пушчы.
«Адносіны ў іх былі нармальныя.
На маю думку, Бабарыка, наколькі я Бабарыку ведаю, сам прыняў самае галоўнае рашэнне ў сваім жыцці. Але і тое, што пры гэтым ён мог спытаць меркаванне Мяшкова, таксама нельга выключаць, — сказаў «Нашай Ніве» адзін з беларускіх банкіраў.
— Мяшкоў жа — гэта прадстаўнік тых уплывовых колаў у Расіі, якія на дух не пераносяць Лукашэнку, бо не лічаць яго роўным сабе».
Выпадковасць ці не, але з моманту выбараў 2020 года Аляксандр Мяшкоў, які рэгулярна да таго прыязджаў у Брэст на дні народзінаў сваякоў, а таксама каб праверыць справы гандбольнага клуба, перастаў з'яўляцца ў Беларусі.
«Справы гандбольнага клуба ў фінансавым плане таксама пайшлі не вельмі. Наколькі мне вядома, фінансаванне па ўсіх лініях там вельмі скарацілася, што ўскосна магло сведчыць пра нейкую крыўду Лукашэнкі на Мяшкова. Сувязь з 2020-м для мяне тут несумненная. Ён, як мінімум, не змог адгаварыць свайго менеджара ад палітычнага выступлення», — дадае наш суразмовец.
Але нешта змянілася. Як вядома «Нашай Ніве», не больш як месяц таму Аляксандр Мяшкоў, нарэшце, з'явіўся ў Беларусі на кароткі час.
Паралельна з гэтым у Беларусі разгортваецца «справа «Газпрам трансгаза».
Італьянскі забудоўшчык разбірае краны і сыходзіць, амбіцыйная будоўля «Газпрам-цэнтра» прыпыненая
Трагікамедыя на будоўлі «Газпрам-Цэнтра»: абсталяванне на $20 мільёнаў сапсавалася
Крыніцы: «Газпрам трансгаз Беларусь» канчаткова прайграў сербам суд на $30 мільёнаў
«Наша Нiва» — бастыён беларушчыны
ПАДТРЫМАЦЬ-
З асуджанага за шпіянаж знаёмага Вольгі Карач у турме вымагалі грошы. А ён хваліўся, што можа дастаць іх у пасольстве Беларусі
-
У мінскім парку Чавеса два дні будзе працаваць зіплайн — рэч са спускам на шалёнай хуткасці
-
Лукашэнка загадаў, каб былых сілавікоў, ратавальнікаў і дыпламатаў, звольненых «па дыскрэдытуючых», адсочвалі пяць гадоў
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары