Справа «Газпрам-Трансгаза» разрастаецца: крыніцы кажуць пра сотню затрыманых і распіл расійскіх маштабаў
Справа «Газпрам-Трансгаза» — наступства правальнай інвестыцыі ў «Газпрам-Цэнтр» у Мінску, дзеля якога знеслі аўтавакзал «Маскоўскі» — набірае абароты. Хутка 9 гадоў ад старту праекта, а з практычных вынікаў — толькі тамы крымінальнай справы.
Раней «Наша Ніва» ужо ў дэталях расказвала расцягнутую на годы трагікамедыю з узвядзеннем «Газпрам-Цэнтра» ў Мінску, якая ў выніку скончылася затрыманнем топ-менеджменту.
Чытайце таксама: «Справа «Газпрама»: працягваюцца затрыманні, звальняюць дзяцей чыноўнікаў, улады патрабуюць аднавіць будаўніцтва «Газпрам Цэнтра»
Як нам стала вядома цяпер, крымінальная справа моцна разрастаецца. Па паведамленнях нашых крыніц, затрымана ўжо каля сотні былых і дзейных супрацоўнікаў «Газпрам-Трансгаз-Беларусь» (паводле інфармацыі на сайце, у «Газпрам-Трансгазе працуе 6,7 тысячы работнікаў).
Артыкулы крымінальных спраў дакладна невядомыя.
Крыніцы называюць прычынай злоўжыванняў кумаўство, крадзеж, распілы і бязладдзе на будоўлі.
«Шэсць год — нічога не зроблена. А ці былі грошы? Былі. Ці бушавала дзейнасць на паперах? Бушавала. Не чуў, каб нехта ў дырэкцыі працаваў за ідэю гэтыя годы. Развяліся «гурткі па інтарэсах», якія даілі і даілі будоўлю, — кажуць нам абазнаныя. —
Даходзіла да таго, што куплялі самі ў сябе пустыя каробкі пад выглядам абсталявання, а потым спісвалі. Я б казаў, што тут гісторыя нават не пра беларускія масштабы распілаў, а пра расійскія.
А як красці на будоўлі, можна напісаць некалькі дысертацый: завышай аб'ёмы, расцэнкі, рабі не па тэхналогіі, забірай рэшту.
Так прынята ў Расіі. Але самы галоўны пункт схемы — трэба, каб быў вынік, які можна здаць.
Якасць няважная — потым на рамонце яшчэ красці можна, але здаць трэба. А тут не здалі. Раз'юшылі Лукашэнку, органы пачалі падымаць закупкі і панеслася. Недапастаўкі, прыпіскі.
Зачапілі адных, а тыя пачалі гаварыць на іншых — класіка. Затрымліваюць людзей з цэнтральнага апарата і філіялаў».
Як кажуць супрацоўнікі «Газпрам-Трансгаза», яшчэ летам планавалася, што 1 верасня будзе рэстарт будоўлі цэнтра, але зноў не задалося.
«Падлік дакладнай сумы закапаных грошай працягваецца і наўрад ці скончыцца хутка», — рэзюмуюць назіральнікі.
Вядома, што залёт толькі з сербскім абсталяваннем для энэргацэнтра пацягнуў на 30 мільёнаў долараў.
Чытайце таксама:
Італьянскі забудоўшчык разбірае краны і сыходзіць, амбіцыйная будоўля «Газпрам-цэнтра» прыпыненая
Трагікамедыя на будоўлі «Газпрам-Цэнтра»: абсталяванне на $20 мільёнаў сапсавалася
Крыніцы: «Газпрам трансгаз Беларусь» канчаткова прайграў сербам суд на $30 мільёнаў
Пасля даносу Бондаравай раптоўна адмянілі выставу ў музеі Янкі Купалы. Цяпер яна патрабуе на музеі шыльды па-руску15
Каментары