Затрымалі фінансавага дырэктара Мінскага гадзіннікавага завода. Яго вінавацяць у данатах пацярпелым ад гвалту
Сёння МУС паведаміла пра затрыманне намесніка дырэктара аднаго з заводаў. Дзякуючы «Кіберпартызанам» стала вядома, што гаворка пра Аляксея Саланенку.
Аляксей Саланенка. Фота: ягоная старонка ў Facebook
Мужчыну 37 гадоў, родам ён з Маладзечна. Згодна са звесткамі ў фэйсбуку, у жніўні 2020 года Саланенка перайшоў на пасаду фінансавага дырэктара Мінскага гадзіннікавага завода, які выпускае гадзіннікі «Луч».
Яго затрымалі днямі. У віну мужчыну ставяць удзел у пратэстах у 2020-м годзе, размяшчэнне ў сацсетках «экстрэмісцкіх матэрыялаў» (такім называюць лагатып партала Tut.by) і ахвяраванні пацярпелым ад гвалту.
Невядома, ці заведзеная супраць яго крымінальная справа.
«Наша Нiва» — бастыён беларушчыны
ПАДТРЫМАЦЬ
Каментары