Нацыянальная паліцыя Іспаніі арыштавала ў правінцыі Алікантэ 37-гадовага беларуса, якога шукаюць праз інтэрпал, а на радзіме абвінавачваюць ў хабарніцтве. Пра гэта паведамляюць іспанскія СМІ.
Як пішуць газеты, у Беларусі мужчыну ставіцца ў віну атрыманне эканамічнай выгады шляхам заключэння шэрагу кантрактаў з будаўнічымі кампаніямі з выкарыстаннем дзяржаўных паўнамоцтваў у перыяд з 2013 па 2016 год. У дачыненні да нашага суайчынніка быў выдадзены міжнародны ордар на арышт з мэтай экстрадыцыі.
Іспанскія праваахоўнікі высветлілі, што цяпер беларус жыве разам з жонкай у горадзе Тарэв'еха, усталявалі за ім назіранне і затрымалі. Цяпер мужчынам займаецца Цэнтральны следчы суд нацыянальнай судовай калегіі — орган, адказны за выкананне працэдур для яго наступнай экстрадыцыі.
У Беларусі затрыманаму можа пагражаць да 7 гадоў пазбаўлення волі.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць27
Каментары