Аляксей Дзермант у пошуках ворагаў выйшаў на самога сябе ў маладосці
Вядомы пралукашэнкаўскі і прарасійскі прапагандыст Аляксей Дзермант у сваім тэлеграм-канале падзяліўся назіраннем, што «ў Беларусі ўсё яшчэ застаюцца невялікія напаўпадпольныя нацыяналістычныя секты, прынамсі, у публічным полі». Пікантнасць у тым, што публічны данос ён зрабіў на той інтэлектуальны кірунак, ля вытокаў якога сам доўга стаяў і які доўгі час асацыяваўся перадусім з ягоным іменем.
Апалчыўся прапагандыст на, як ён выказаўся, «секту пралітоўскіх нацыяналістаў-неапаганцаў Svajksta», якім «вельмі не падабаецца еўразійства і ўсходнеславянская (руская) ідэнтычнасць».
Дзермант, які ў маладосці сам усім гэтым, мякка кажучы, грашыў (сам ён гэта акрэслівае так: «я ў балта-славянскім пытанні ў свой час глыбока разабраўся»), цяпер «прыйшоў да высновы, што тэорыя «балцкага субстрату» мае патрэбу ў сур'ёзнай карэкціроўцы — самі «балты» эвалюцыянавалі ў славян і ў беларусаў/рускіх, няма паміж імі ніякага разрыву».
«Балцкі шлях», паводле сённяшняга Дзерманта, — гэта «шлях павольнага памірання», у той час як «славянскі — жыцця і развіцця».
А «перыферыйны нацыяналізм рэліктавых народаў (літоўцаў і латышоў) для беларусаў абернецца стратай энергіі для развіцця і выміраннем — тым, што адбываецца з імі ўжо на працягу тысячы гадоў». Калісьці ён гэтак жа сама горача і з такім самым імпэтам адстойваў зусім процілеглае.
Пра пакручастую ідэйную эвалюцыю аднаго з найадыёзнейшых клеўрэтаў цяперашняга рэжыму чытайце больш па спасылцы:
Дзермант: метамарфозы. Як неанацыст і паганец палюбіў Лукашэнку, Расію і вайну
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары