ФСБ назвала другога падазраванага ў арганізацыі забойства расійскага прапагандыста Татарскага
Забойства Уладлена Татарскага сумесна з Дарʼяй Трэпавай рыхтаваў грамадзянін Украіны Юрый Дзянісаў, які з дапамогай сэрвісу дастаўкі праз пасярэдніка перадаў ёй выбуховае прыстасаванне, сцвярджае ФСБ РФ.
Паводле ФСБ, Дзянісаў прыбыў з Кіева ў лютым праз тэрыторыю Латвіі ў маскоўскі рэгіён, дзе збіраў звесткі аб Татарскім.
Пасля здзяйснення тэракта 3 красавіка ён вылецеў з Расіі транзітам праз Арменію ў Турцыю. Расія абвясціла яго ў міжнародны вышук.
Арганізатарамі тэракта ў Санкт-Пецярбургу, у выніку якога загінуў Уладлен Татарскі, зʼяўляліся «ўкраінскія спецслужбы і іх агентура», у тым ліку расійскія апазіцыянеры, якія хаваюцца за мяжой, паведамілі ў ФСБ. Таксама ў ФСБ заявілі пра тое, што Трэпава «здзейсніла тэракт у выніку неаднаразовых заклікаў кіраўнікоў Фонду барацьбы з карупцыяй Волкава і Жданава да падрыўной дзейнасці ў Расіі».
Ваенны прапагандыст загінуў 2 красавіка ў Санкт-Пецярбургу падчас «творчай сустрэчы». Яму ўручылі статуэтку, якая пазней выбухнула. Дар'і Трэпавай з Пецярбурга выстаўлена абвінавачанне ў тэракце, яе затрымалі.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары