Навукоўцы: Гель-лак для пазногцяў можа выклікаць моцную алергію і быць небяспечны для здароўя
Аддзел бяспекі спажывецкіх тавараў брытанскага Міністэрства па бізнэсе, энергетыцы і індустрыяльнай стратэгіі пачаў расследаваць паведамленні аб тым, што ў людзей расце сур'ёзная алергічная рэакцыя на некаторыя віды гель-лакаў для пазногцяў, піша Бі-бі-сі.
Дэрматолагі ўжо даўно забілі трывогу, паведаміўшы, што новыя пацыенты з сур'ёзнымі алергічнымі рэакцыямі на гелевыя і акрылавыя прадукты для пазногцяў прыходзяць да іх практычна штотыдзень.
Сярод сімптомаў — расхістванне і нават выпадзенне пазногцяў, а таксама праблемы са скурай на пальцах рук, сып, а ў найбольш сур'ёзных выпадках — цяжкасці з дыханнем.
Доктар Дэйдра Баклі з Брытанскай асацыяцыі дэрматолагаў заклікала наогул адмовіцца ад геля і вярнуцца да «старамодных» лакаў і не карыстацца наборамі для нанясення гель-лаку на пазногці ў хатніх умовах.
У апошнія гады папулярнасць гель-лакаў рэзка ўзрасла, таму што яны трымаюцца значна даўжэй за звычайныя лакі. Застываюць яны толькі пад ультрафіялетавым святлом. І вось тут узнікаюць складанасці, таму што УФ-лямпы адрозніваюцца адна ад адной і падыходзяць далёка не для ўсіх геляў.
У ідэале магутнасць лямпы павінна складаць 42 Вт (ці хаця б не менш за 36 Вт) з даўжынёй хвалі ў 350 нанаметраў. У адваротным выпадку акрылаты, якія выкарыстоўваюцца для зацвярдзення гелю, не высыхаюць належным чынам, пранікаюць пад пазногці і ў скуру, выклікаючы раздражненне і алергіі.
У рэдкіх выпадках алергічныя рэакцыі выклікаюць устойлівую непераноснасць любых прадуктаў, якія змяшчаюць акрылаты, як то: зубныя пломбы, штучныя суставы і некаторыя лекі ад дыябету, што значна ўскладняе наступнае лячэнне гэтых захворванняў.
«Людзі не разумеюць, — сказала доктар Баклі, — што няправільнае выкарыстанне гелю для пазногцяў можа прывесці да праблем са здароўем, якія не маюць з пазногцямі нічога агульнага».
Першыя гелевыя прадукты для пазногцяў былі створаныя ў 2009 годзе амерыканскай фірмай Gelish. Яе генеральны дырэктар Дэні Хейл адзначыла, што хоць іх кампанія робіць усё магчымае, каб правільна сертыфікаваць сваю прадукцыю і навучыць усіх, як правільна ёю карыстацца, тым не менш «некаторыя тавары, якія прадаюцца праз інтэрнэт, вырабляюцца ў краінах, якія не прытрымліваюцца строгіх правілаў, якія існуюць у ЕС і ЗША, і могуць выклікаць моцнае раздражненне скуры».
Але нават нанясенне гель-лакаў для пазногцяў выключна ў салонах не гарантуе бяспекі. Кошт гэтай паслугі ў Брытаніі, напрыклад, можа вар'іравацца ад 10-15 да 35-45 фунтаў стэрлінгаў (гэта значыць, ад 12-18 да 44-56 даляраў ЗША). Шанцы сутыкнуцца з патэнцыйнымі алергенамі ў танных салонах значна вышэйшыя.
Псіхолаг: У чалавека, які дазваляе сабе сумаваць, злавацца, менш рызыкі захварэць на дэпрэсію
Як мільярды мікраарганізмаў у кішэчніку могуць умацаваць ваша псіхічнае здароўе
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»19
Каментары