Генеральны сакратар НАТА: Ядзерныя пагрозы Расіі нас не запалохаюць, падтрымка Украіны працягнецца
Заходнія саюзнікі не адмовяцца ад падтрымкі Украіны ў вайне супраць РФ нягледзячы на пагрозы Крамля ўжыць ядзерную зброю, заявіў генеральны сакратар НАТА Енс Столтэнберг на 18-й штогадовай канферэнцыі Альянсу па кантролі над узбраеннямі, раззбраенні і нераспаўсюджванні зброі масавага знішчэння.
Столтэнберг заявіў, што Расія імкнецца падарваць асновы міжнароднай сістэмы бяспекі, бо ігнаруе, парушае або адмаўляецца ад значнай часткі сеткі міжнародных пагадненняў па кантролі над узбраеннямі, якія ўтрымліваюць мір у бяспецы.
«Гэта безадказныя дзеянні, накіраваныя на тое, каб утрымаць саюзнікаў па НАТА ад падтрымкі Украіны. Але яны не спрацуюць. Таму што пакуль мы сур'ёзна ставімся да расійскіх пагроз, нас не запалохаць», — сказаў генеральны сакратар НАТА.
Ён нагадаў, што Расія прыпыніла свой удзел у новай дамове аб скарачэнні і абмежаванні стратэгічных наступальных узбраенняў, не выконвае дамову аб ліквідацыі ракет сярэдняй і меншай далёкасці і ўзмацняе правакацыйную ядзерную рыторыку, пагражаючы размясціць тактычную ядзерную зброю ў Беларусі.
«Расія ёсць самай непасрэднай пагрозай нашай бяспецы», — дадаў Столтэнберг.
25 сакавіка Уладзімір Пуцін заявіў, што ў Беларусі да ліпеня размесцяць тактычную ядзерную зброю і параўнаў уласныя ядзерныя планы з размяшчэннем ЗША сваёй зброі ў Еўропе.
Чытаць таксама:
G7: Пагроза размяшчэння ядзернай зброі ў Беларусі непрымальная
У Беларусі можа з'явіцца і стратэгічная ядзерная зброя — Хрэнін
Беларускія вайскоўцы прайшлі падрыхтоўку па спецыяльным прымяненні штурмавікоў Су-25
«З дапамогай «ядзернай дубінкі» Пуцін хоча паказаць усяму свету, што імперыя вярнулася»
На зіму запланаваныя масавыя затрыманні, складзеныя «першы і другі спісы»29
Каментары