Twitter зноў ліхаманіць: платныя птушкі верыфікацыі з'явіліся ў профілях памерлых зорак
Сінія птушкі, у прыватнасці, з'явіліся на старонках баскетбаліста Кобі Браянта, вакаліста Linkin Park Чэстара Бэнінгтана і нават памерлага ў 2009 годзе спевака Майкла Джэксана.
Пры націсканні на сінюю галачку з'яўляецца паведамленне пра тое, што ўліковы запіс пацверджаны, бо карыстальнік «падпісаны на Twitter Blue і пацвердзіў свой нумар тэлефона». Няясна, хто мог аплаціць падпіску для ўліковых запісаў, якія заставаліся неактыўнымі многія гады.
У кампаніі Twitter, якая больш не мае прэс-службы, не адказалі на запыты журналістаў.
Раней сінія птушкі ў твітары сведчылі пра тое, што старонка сапраўдная, цяпер — што карыстальнік аплаціў падпіску. У красавіку ранейшыя сінія галачкі страцілі Крышціяну Раналду, папа Францішак і іншыя вядомыя людзі і медыя, у тым ліку і «Наша Ніва».
Чытайце таксама:
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4
Каментары
а што вы страціце без гэтай галачкі?
я ўвогуле не ведаю, што такое Twitter... і вось неяк жа жыву)