Плюшч (Hedera helix L.) занесены ў нацыянальную Чырвоную кнігу і знаходзіцца пад дзяржаўнай аховай ужо на працягу амаль 60 гадоў.
Hedera helix — расліна даволі незвычайная, яна адзіная ў беларускай флоры вечназялёная ліяна.
Паводле свайго паходжання, плюшч — прадстаўнік цеплалюбівай еўрапейскай горнай расліннасці і ў нашай краіне яго нешматлікія месцы росту знаходзяцца на самай усходняй мяжы распаўсюджвання.
Цяпер у Белавежскай пушчы адзначана ўжо больш за дзясятак месцаў, дзе расце гэтая расліна. У асноўным гэта вільготныя лісцевыя і яловыя лясы, размешчаныя часцяком каля забалочаных алешнікаў і ясеннікаў.
Расце плюшч даволі павольна, ягоныя доўгія, пакручастыя плеці сцелюцца па зямлі і толькі часам пры дапамозе паветраных каранёў-прысосак цягнуцца ўверх па ствалах дрэў, бліжэй да святла.
Чытайце таксама:
Чуфа: гэты земляны арэх выдатна расце ў беларускіх умовах. Пасадзіце, і вам спадабаецца
Нарцысы, ружа, барвенак — якія кветкі пасадзіць на могілках замест пластыкавых букетаў
