Польшча больш не будзе працягваць афіцыйную забарону на пасажырскія чыгуначныя перавозкі ў Беларусь і з Беларусі, але гэта не азначае таго, што рух цягнікоў неўзабаве адновіцца, піша выданне Rynek Kolejowy.
Забарону на чыгуначнае злучэнне польскія ўлады ўвялі на фоне пандэміі каранавіруса яшчэ ў 2020 годзе, а потым рэгулярна яе прадаўжалі. Цяпер жа фармальнае дзеянне гэтай забароны заканчваецца і больш працягваць яе не плануюць. Але гэта зусім не азначае, што перавозкі адновяцца.
Як заявіла Міністэрства інфраструктуры Польшчы, цягнікі ў Брэст або Гродна хадзіць усё адно не будуць — з-за напружаных палітычных адносін паміж дзвюма краінамі. Акрамя таго, цяпер цалкам не працуюць і некаторыя аўтамабільныя памежныя пераходы, а на частцы з іх не дазволены пасажырскі рух.
«Мы не плануем запускаць стыкоўкі з Беларуссю паводле бягучага гадавога раскладу, які дзейнічае да 9 снежня гэтага года», — заявіў прадстаўнік польскага МЗС Шыман Гуптысь.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары
Сигаретки в калийной соли не передавали !
Пойдет бизнес снова !
Устретимся в Щецине,немецкие барыги встрепенулись !