У сталіцы хочуць зацвердзіць Правілы размяшчэння парковак для пракатных электрасамакатаў і іншых сродкаў персанальнай мабільнасці (СПМ). Таксама збіраюцца вызначыць зоны, дзе павінна быць абмежаваная хуткасць альбо забаронены іх рух. У прыватнасці, у ДАІ заяўляюць, што ў парках і скверах хуткасць шэрынгавых самакатаў аўтаматычна будзе падаць да 15 км/г. А сачыць за выкананнем хуткаснага рэжыму даручылі камерам, піша Onliner.by.
— У Мінску ёсць участкі, на якіх неабходнае зніжэнне хуткасці руху СПМ, — гэта вуліцы з інтэнсіўным рухам пешаходаў, вуліцы з недастатковай шырынёй тратуара, дваровыя тэрыторыі з шчыльнай жылой забудовай, — раней заяўляў намеснік начальніка Мінскай ДАІ Дзяніс Лівановіч.
«Пракатныя электрасамакаты ў Мінску ў парках і скверах будуць аўтаматычна ехаць з хуткасцю не вышэйшай за 15 км/г, — удакладняў інфармацыю начальнік сталічнай ДАІ Сяргей Бабіч у эфіры «Радыё-Мінск». — Ёсць дамоўленасць аб зніжэнні хуткасці шэрынгавых самакатаў праграмным спосабам да 25 км/г, як таго патрабуюць ПДР. На асобных участках з масавым знаходжаннем людзей (у парках, скверах і іншых) хуткасць аўтаматычна будзе паніжаная да 15 км/г. Гэта значыць, трапляючы ў пэўную зону, карыстальнік СПМ не зможа ехаць хутчэй за 15 км/г».
Паднялі і тэму кантролю хуткасці СПМ (напрыклад, асабістых, няшэрынгавых). «Будзем выкарыстоўваць тэхнічныя сродкі вымярэння хуткасці без удзелу інспектара», — заяўляў Бабіч.
І вось на днях з'явілася пацвярджэнне таго, што камеры хуткасці сочаць за рухам электрасамакатаў — у прыватнасці, ля ўваходу ў парк Чалюскінцаў. «Усталяваны прыбор, які вымярае хуткасць ровара або самаката, — прыводзяць словы супрацоўніка СЗАТ «Бяспечныя дарогі Беларусі» ў відэасюжэце. — У рэжыме анлайн я бачу парушэнні». Пункт 18.5 ПДР абавязвае ўладальнікаў СПМ рухацца не больш за 25 км/г. Абмежаванне ў 15 км/г у месцах масавага знаходжання людзей у Правілах не замацавана, патрабаванне можна ўкараніць з дапамогай знакаў.
Таксама паведамлялася, што будуць дакладна вызначаныя прызначаныя для паркоўкі самакатаў месцы. Гэта дасць магчымасць завяршыць паездку на пракатнай прыладзе толькі ў спецыяльна адведзеным месцы, калі такое маецца паблізу.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары