Грамадства66

Праўладны аналітык напісала дысертацыю па «рускім свеце» і высветліла, што беларусы да яго не гатовыя

На 31 траўня ў Акадэміі кіравання пры прэзідэнце прызначаная абарона дысертацыі па тэме «Феномен нацыянальнага палітычнага маркетынгу (на прыкладзе канцэпту «Рускі свет»)». Аўтарка працы, суіскальніца вучонай ступені доктара палітычных навук — кандыдатка сацыялагічных навук, дацэнтка, намесніца начальніка ўпраўлення ўнутранай палітыкі, начальніца аддзела сацыяльных даследаванняў Беларускага інстытута стратэгічных даследаванняў Святлана Алейнікава, піша «Народная воля».

У апублікаваным аўтарэфераце працы асабліва цікавай будзе прыкладная частка, якая адказвае на пытанне: ці асацыюе беларускае грамадства сябе з канцэптам «рускага свету» — тым, якім ён існуе сёння?

Святлана Алейнікава ацэньвала гэта па трох асноўных параметрах:

1) асаблівасці беларускага менталітэту, уплыў на іх фармаванне розных этапаў гістарычнага развіцця; 
2) знешнепалітычныя арыентацыі і прыярытэты ў інтэграцыйных працэсах; 
3) успрыманне грамадствам ідэй «рускага свету» як прадукту нацыянальнага палітычнага маркетынгу.

Аналіз вынікаў дазволіў выявіць шэраг асаблівасцяў успрымання «рускага свету» беларусамі.

Па-першае, для беларусаў высокую значнасць маюць савецкі перыяд гісторыі і перыяд незалежнасці ў параўнанні з іншымі, больш раннімі этапамі гістарычнага развіцця беларускай дзяржаўнасці.

Па-другое, усведамленне, з аднаго боку, кансалідуючай ролі агульных традыцый і каштоўнасцяў славянскіх народаў, але з другога, — неабходнасці самастойнасці шляху развіцця.

Па-трэцяе, у роўнай ступені пазітыўнае ўспрыманне як індывідуалістычных, так і калектывісцкіх каштоўнасцей, якія традыцыйна супрацьпастаўляюцца адно аднаму ў рамках культурна-цывілізацыйнага і рэлігійнага падыходаў да «рускага свету».

«Асноўнымі ўмовамі палітычнага развіцця Рэспублікі Беларусь рэспандэнты назвалі дэмакратыю і выбарнасць органаў дзяржаўнай улады. Канцэпцыя правоў чалавека ўспрымаецца і як інструмент абароны інтарэсаў грамадзяніна, і як універсальная каштоўнасць, усярэднены стандарт паводзін, неабходны для бесканфліктнага ўзаемадзеяння ў полікультурным свеце. Стаўленне да дзяржавы пазбаўленае характэрных для «рускай ідэі» і ідэалогіі «рускага свету» сакральных падстаў і звязанае у першую чаргу з магчымасцю рэалізацыі ёй сацыяльных функцый», — робіць заключэнне Святлана Алейнікава.

Такім чынам, атрымліваецца, што беларусы не разумеюць рускага месіянства, не жадаюць канфліктаваць з заходняй цывілізацыяй, не бачаць у дзяржаве нечага вялікага і боскага, а хочуць, каб у ёй было проста добра жыць. Гэта ніяк не ўпісваецца ў канцэпт рускага свету.

Паводле даследавання Святланы Алейнікавай, «цяпер у экспертаў і грамадства ў цэлым няма выразна сфармаванага ўяўлення як пра саму ідэю «рускага свету», так і пра магчымыя перспектывы яе рэалізацыі. 

Да значных падстаў можна аднесці рускую мову, супольную культуру і традыцыі. Разыходжанні ў ацэнках трох іншых падстаў «рускага свету» (праваслаўная вера, супольныя ўяўленні аб гістарычным мінулым і адзіная сістэма каштоўнасцяў) сведчаць пра тое, што гэтыя ўяўленні пакуль або наогул не сфармаваныя, або слаба структураваныя, гэта значыць, не з'яўляюцца значнымі ў каштоўнасна-матывацыйнай сістэме той ці іншай групы».

Дарэчы, «руская ідэя», пра якую цяпер так шмат кажуць прыхільнікі «рускага свету», першапачаткова складалася ва ўдасканаленні сваёй дзяржавы, а не чужых, дадае выданне.

Каментары6

  • Доктар
    11.05.2023
    Кандыдатка балбаталагічных навук. Ясна, што гістарычна беларусы не належаць да русского міра. 

    Але ж ня менш ясна, што праз русіфікацыю розніца паміж беларусамі і маскоўцамі імкліва сціраецца. Колькі там адсоткаў так званых беларусаў ужо падтрымлівае дзікае ўварванне ва Ўкраіну, што адначасова варожае і для Беларусі? З гэтага і трэба пачынаць. 
  • Не нада ляля
    11.05.2023
    А когда поубивали столько украинцев в Буче, то были готовы?
  • Пацыент
    11.05.2023
    Доктар, ну і колькі? Дзе лічбы тых адсоткаў? З чаго пачынаць? І што менавіта пачынаць?
    Вось не трэба балбаталагічна плявузгаць.
    Усё адно, ніхто не паверыць у гэтую прапаганду, што нешта там "імкліва сціраецца" і што беларусы раптам вырашылі, што вайна і дзікае уварванне гэта добра.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Удава актывіста Максіма Чарняўскага расказала пра яго пакуты перад суіцыдам5

Удава актывіста Максіма Чарняўскага расказала пра яго пакуты перад суіцыдам

Усе навіны →
Усе навіны

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско49

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне5

У Мінску з'явіліся электрасамакаты «Яндэкс Go»

Удзельніцам «Міс Беларусь» дазволілі мець татуіроўкі і пірсінг4

больш чытаных навін
больш лайканых навін

Удава актывіста Максіма Чарняўскага расказала пра яго пакуты перад суіцыдам5

Удава актывіста Максіма Чарняўскага расказала пра яго пакуты перад суіцыдам

Галоўнае
Усе навіны →

Заўвага:

 

 

 

 

Закрыць Паведаміць