У Жыровіцкім манастыры завялі сапраўдны звярынец. Паглядзіце, якія там жывуць жывёлы і птушкі
Пра «Эдэмскі сад» пры Жыровіцкім Свята-Успенскім мужчынскім манастыры піша «Звязда».
А што тут было раней? Пустка і руіны сядзібы вяльможы Аляксандра Солтана. Менавіта тут у 1470 годзе быў здабыты абраз Жыровіцкай Божай Маці. Зараснікі тут былі да 2010 года, пакуль гэтыя землі належалі Жыровіцкаму манастыру.
Сёння плошча «Эдэмскага саду» складае 55 гектараў. Карэспандэнты пабывалі ў той яго частцы, дзе размешчаныя капліца, руіны старога маёнтка і вальеры з жывёламі. Тут і вярблюды, і ваўкі, і паўліны, і нават буры мядзведзь, які пры наведвальніках тэатральна забраўся ў ванну на тэрыторыі сваёй вальеры. Асабліва ўразілі мілыя зайчыкі, якія з цікаўнасцю зазіралі ў аб’ектыў фотаапарата. Усе гадаванцы жывуць у прасторных вальерах. Большасць звяроў была перададзеная ў дар манастыру.
А яшчэ тут ёсць вялікі яблыневы сад плошчай 22 га, птушкаферма, свінаферма, статак парнакапытных і рыбная гаспадарка.
Уваход вольны, аднак непадалёк ад капліцы ёсць скарбонка, у якую можна пакласці ахвяраванне на ўтрыманне жывёл.
Цяпер чытаюць
Лукашэнка: Што творыцца ў краіне, у нас усе гэтую гусь круцяць31
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары