Пад Вілейкай жыве конь Яша. Ён умее рабіць паклон і «дае лапу»
Яшу журналісты Kraj.by спынілі на цэнтральнай вуліцы Вілейкі. Кавава-белы скакун ішоў на агарод: на Садовай мясцовыя садзілі бульбу. Паміж справай Яша прадэманстраваў «шматфункцыянальнасць».
Яша жыве пад Вілейкай у вёсцы Мядзвежына.
Перыядычна заязджае з гаспадаром Аляксеем у горад, як гэтым разам. З размовы з Аляксеем даведаліся, што працуе ён у Маладзечне на «Cпадарожніку», а Яша ў яго «для спраў і душы».
«Хтосьці любіць катоў, хтосьці — сабак, а я коней», — кажа ўладальнік скакуна. Яша з'явіўся ў Аляксея 9 гадоў таму. Каня купіў у Вілейскім раёне. Сябра аблюбавалі ва ўсёй акрузе. Просяць пакатацца і дапамагчы ў сельгастэхніках. Вось і гэты раз Яша араў зямлю на Садовай. А калі змакрэў, дзякаваў за хлеб — спачатку зрабіў паклон, павітаўся, а потым, па прыкладзе чацвераногага, «даў лапу».
Цыркавому труку Яшу навучыла зямлячка Аляксея Таня, якая часта наведваецца ў родныя мясціны са сталіцы і сядлае Яшу. Гэта мы здзівіліся, а Аляксей толькі нахвальвае свайго каня.
Кажа, той такі ж адданы і кемлівы, як кот і сабака. За гаспадаром ззаду ходзіць хвастом і чужых у двор не пускае.
«Можна і агарод узараць, і верхам на ім праехацца». За што цэняць беларускую пароду коней?
Паглядзіце, якое сімпатычнае стварэнне ўнеслі ў Чырвоную кнігу Беларусі
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні46
Каментары