У Асіповічах і Быхаве схапілі рабочых. Аднаго з іх запісалі на відэа пад чырвона-зялёным сцягам
Аднаго абвінавачваюць у тым, што здымаў расійскую вайсковую тэхніку, другога — што крытыкаваў мясцовую ўладу.
Пра затрыманне мужчын паведамілі магілёўскія тэлевізійнікі. У іх перадачы зняволеныя прамаўляюць завучаны тэкст, а «непатрэбнае» выразанае. Калі мужчын затрымалі, няясна.
Жыхара Асіповічаў Руслана Рабкаўца вінавацяць у здымцы эшалона з расійскай вайсковай тэхнікай. Фота ён выклаў у сацыяльные сеткі.
Акрамя таго, яго вінавацяць у распаўсюджванне «экстрэмісцкай» інфармацыі. За крамолу аператыўнікі палічылі апублікаваныя на старонцы Руслана фота з бела-чырвона-белым сцягам і кадрамі з затрыманнямі людзей на пратэстах. Супраць яго, як паведамляецца, распачатая крымінальная справа.
Руслану Рабкаўцу 33 гады. Ён працаваў на адным з сельгаспрадпрыемстваў раёну.
Жыхара Быхава Пятра Віннікава вінавацяць у тым, што ён звярнуўся ў адзін з тэлеграм-каналаў з просьбай размясціць відэа, якое «зневажае дзеянні мясцовых уладаў».
Таксама мужчыну вінавацяць у тым, што скідваў розным каналам інфармацыю пра падзеі ў раёне. Дзеянні Пятра названыя «дапамогай ворагу».
Пятру Віннікаву 41 год. Ён працаваў інжынерам на прадпрыемстве «Бабулін гарлачык». На міліцэйскім відэа ён апрануты ў завадскую ўніформу, а побач з ім выстаўлены чырвона-зялёны сцяг.
За перыяд масавых рэпрэсій у праўладных тэлеграм-каналах выстаўлена мноства відэа з затрыманымі. У сеціва трапілі і відэа са слядамі катаванняў.
Прапагандысты і сілавікі здымаюць разгубленых пасля вобшукаў людзей. З нагаворанага на камеру выразаюць патрэбныя выказванні. Людзей прымушаюць абгаворваць сябе, часам ставячы перад неабходнасцю змагацца за бяспеку сваю і родных.
«Наша Нiва» — бастыён беларушчыны
ПАДТРЫМАЦЬГлядзіце таксама:
Што за кабінеты, дзе прапагандысты запісваюць інтэрв'ю з затрыманымі?
Азаронак стаў вядучым на салаўёўскім канале
Хто і навошта прыдумаў «пакаяльныя» відэа? Адказвае прадстаўнік ByPol Аляксандр Азараў
Каментары