Судзяць былую бухгалтарку Мінскага электратэхнічнага завода — імаверна, за перадачу даных «Чорнай кнізе Беларусі»
Былую бухгалтарку Мінскага электратэхнічнага завода імя Вавілава Ганну Карняенка звольнілі пасля «Народнага ўльтыматуму» ў 2020 годзе, яна судзілася з прадпрыемствам па факце незаконнага звальнення. Доўгі час пра яе нічога не было чуваць.
Цяпер стала вядома, што жанчыну судзяць. Суддзя Мінгарсуда Святлана Чарапанава пачала разгляд яе справы.
Набор артыкулаў, якія інкрымінуюць Ганне Карняенка наступны: арт. 203-1 ч. 3 (незаконныя дзеянні ў дачыненні да інфармацыі аб прыватным жыцці і асабістых даных), арт. 130 ч. 3 (распальванне расавай, нацыянальнай, рэлігійнай або іншай сацыяльнай варажнечы). Раней па арт. 130 ч. 3 судзілі тых, хто перадаваў паведамленні ў бот «Чорнай кнігі Беларусі» — праекта, дзе акумулявалася інфармацыя пра асоб, датычных да рэпрэсій супраць грамадзян Беларусі. Імаверна, Ганну вінавацяць у гэтым жа.
Святлана Чарапанава, суддзя па справе Ганны Карняенка, — ударніца палітычных рэпрэсій.
«Наша Нiва» — бастыён беларушчыны
ПАДТРЫМАЦЬ«This f*cking AI». Перакладчык Лукашэнкі пры прэзідэнце ААЭ выкарыстаў недыпламатычнае слова7
Каментары