ГУБАЗіК расказаў, у чым вінавацяць каталіцкага семінарыста Уладзіслава Беладзеда
На Уладзіслава Беладзеда, па словах сілавікоў, пісала даносы расійская прапаганда, сам семінарыст выступіў на баку народа ў 2020 годзе.
Уладзіслава затрымалі ўчора.
З відэа сілавікоў становіцца ясна, што яго абвінавачваюць у каментарах супраць сілавых структур Беларусі. Да прыкладу, цытуецца каментар, дзе Уладзіслаў прапануе ліквідаваць ГУБАЗіК, і тое, дзе ён кажа, што «міліцыянты заслугоўваюць пажыццёвага за свае злачынствы». За гэта яму пагражаюць артыкулам за «распальванне варожасці і варажнечы».
На відэа мужчына выглядае моцна падаўленым, а момантамі нават плача.
Таксама сілавікі апублічваюць моманты яго прыватнага жыцця.
Нагадаем, Уладзіслаў Беладзед — каталіцкі семінарыст, які праходзіў практыку ў Мінскім архікафедральным касцёле. У 2020-м мужчына падтрымаў рух за свабодныя выбары і публічна маліўся за мір у Беларусі.
Яго імя ўзгадваецца ў шэрагу «рускамірскіх» артыкулаў пра сувязь беларускага каталіцтва і арганізатараў пратэстаў (да прыкладу, у артыкуле «Каталікі і польская подбіўка беламайдана» ад так званага «Фонду стратэгічнай культуры»).
Тыдзень таму пачаўся віток рэпрэсій супраць беларускіх святароў. Сярод затрыманых уніяцкі святар Алесь Шаўцоў, ксёндз Андрэй Кулік з Мёраў і ксёндз Вячаслаў Адамовіч з Мёрскага раёна. Пасля стала вядома, што Алесь Шаўцоў атрымаў 15 сутак арышту.
«Наша Нiва» — бастыён беларушчыны
ПАДТРЫМАЦЬХто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?18
Каментары