Свет

Прычынай катастрофы на чыгунцы ў Індыі мог стаць збой сігналу. Модзі абяцае пакараць вінаватых

Выратавальныя работы на месцы сутыкнення трох цягнікоў у Індыі завяршыліся — з-пад абломкаў дасталі ўсіх ацалелых пацярпелых. Загінула 275 чалавек, пацярпела мінімум 2200 чалавек.

Скрын відэа ANI

Прэм'ер-міністр краіны Нарэндра Модзі заявіў, што вінаватыя ў чыгуначнай катастрофе на ўсходзе Індыі будуць «строга пакараныя», піша Бі-бі-сі.

Выратавальныя работы на месцы сутыкнення трох цягнікоў у Індыі завяршыліся — з-пад абломкаў дасталі ўсіх ацалелых пацярпелых.

Як мінімум 275 чалавек загінулі, калі ў пятніцу пасажырскі цягнік сутыкнуўся з таварным цягніком, сышоў з рэек і ўрэзаўся ў іншы пасажырскі цягнік, які рухаўся ў процілеглым кірунку ў штаце Адыша на ўсходзе краіны.

Раней улады казалі пра 288 загінулых, але пазней зменшылі лічбу: высветлілася, што пры падліку колькасці ахвяр некаторыя целы палічылі двойчы.

Цяжка параненых дастаўляюць у найбуйнейшую бальніцу штата Адыша, якая знаходзіцца прыкладна за тры гадзіны язды ад месца аварыі. Цяпер туды прывезлі каля 2200 пацярпелых, і іх колькасць працягвае расці.

Прэм'ер-міністр краіны Нарэндра Модзі наведаў месца здарэння. Ён таксама сустрэўся з ахвярамі катастрофы ў бальніцы і паабяцаў, што яго ўрад зробіць усё магчымае для іх лячэння.

Да гэтага часу да канца не ясна, што стала прычынай сутыкнення цягнікоў, няшчасце называюць самай страшнай чыгуначнай катастрофай у Індыі ў гэтым стагоддзі.

Паводле папярэдніх даных, аварыя адбылася ў выніку збою сігналу, паведаміў кіраўнік Паўднёва-Усходняй чыгункі К. Ананд.

Таксама няясна, як экспрэс апынуўся на адным пуці з таварным цягніком.

Некалькі вагонаў Coromandel Express апынуліся на процілеглым пуці. Другі цягнік Howrah Superfast Express, які рухаўся ў процілеглым кірунку з Есвантпура ў Хаўру, сутыкнуўся з вагонамі, якія сыходзілі з рэек.

«Coromandel Express павінен быў ісці па галоўнай лініі, але замест гэтага быў дадзены сігнал на петлявую лінію, і цягнік урэзаўся ў таварняк, ужо прыпаркаваны там, — сказаў Ананд. — Яго вагоны ўпалі на рэйкі з абодвух бакоў, што таксама прывяло да сыходу з рэек экспрэса Howrah Superfast», — сказаў ён.

Як распавёў мясцовым СМІ неназваны супрацоўнік чыгункі, папярэдняе расследаванне паказала, што Coromandel Express сышоў з галоўнай лініі і заехаў на іншыя рэйкі петлявога пуці — бакавога пуці, які выкарыстоўваецца для стаянкі цягнікоў — і на хуткасці да 130 км/г урэзаўся ў таварняк.

Машыністы двух пасажырскіх цягнікоў атрымалі раненні, але выжылі ў катастрофе.

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця9

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць