Асуджанага на 13 гадоў калоніі дырэктара Symbal.by і папулярызатара беларускай культуры Паўла Белавуса перавялі ў шклоўскую калонію № 17. Пра гэта ў фэйсбуку напісала яго жонка.
«Кажа, што ўспрымае гэта як вандроўку, але крыху іншы фармат», — напісала яна.
Зараз можна яму дасылаць лісты ў Шклоў з пазнакай «каранцін»: Белавус Павел Мікалаевіч 1987 года нараджэння, 213004, г. Шклоў, вул. 1-я Заводская, 8.
Паўла Белавуса затрымалі 15 лістапада 2021 года і першапачаткова яму давалі адміністрацыйныя суткі, але потым была заведзена крымінальная справа.
Паўлу было выстаўлена абвінавачанне адразу па некалькіх артыкулах Крымінальнага кодэкса:
— ч. 1 арт. 356 (здрада дзяржаве);
— ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак);
— ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь);
— ч. 1 арт. 361-1 (кіраўніцтва экстрэмісцкім фармаваннем).
Суд над Паўлам Белавусам пачаўся 20 лютага 2023 года і доўжыўся амаль тры месяцы. Працэс вяла Жанна Брысіна.
Па артыкуле за здраду дзяржаве ён атрымаў самы вялікі тэрмін — 10 гадоў і штраф памерам 500 базавых велічынь (18,5 тысячы рублёў). Акрамя таго, яго прызналі вінаватым у арганізацыі групавых дзеянняў, што парушаюць грамадскі парадак, і прысудзілі за гэта тры гады калоніі. За публічныя заклікі да захопу ўлады — чатыры гады, за кіраўніцтва экстрэмісцкім фарміраваннем — чатыры гады пазбаўлення волі.
Агулам суд прызначыў пакаранне Паўлу Белавусу ў выглядзе 13 гадоў пазбаўлення волі.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары