Адкрылася першая крама з сеткі, якую прэзентуюць як аналаг польскай «Жабкі»
Першая крама сеткі «Вожык» адкрылася ў Гродне на вуліцы Курчатава, 22. Неўзабаве такія абяцаюць адкрыць і ў іншых гарадах Беларусі.
Як паведамляе агенцтва «Цэнтр жылля», гэтыя крамы задуманыя як аналагі польскай сеткі Żabka. То-бок іх прынцып — невялікія крамкі з самымі патрэбнымі таварамі побач з домам.
Пераважна ў «Вожыках» будуць прадавацца харчовыя тавары: стравы хуткага прыгатавання, кансервы, чай, кава, малочныя і мясныя прадукты, стравы для грылю, снэкі, напоі, выпечка, прысмакі і інш. Таксама тут можна будзе выпіць кавы, перакусіць, аплаціць рахункі, падзарадзіць тэлефон, купіць латарэйны білет.
Што да цэн, то сцвярджаецца, што яны «цалкам даступныя». Абяцаюць, што ў гэтых крамах можна будзе знайсці тавары са зніжкай ад мінус 10% да мінус 45% і па фіксаванай цане.
Новая сетка належыць кампаніі «Юністар груп», якая таксама валодае сеткай «Сем пятніц» і «Unistore опт&розніца».
Плануецца, што «Вожыкі» неўзабаве з'явяцца ў Мінску і Віцебску, а пасля і ва ўсіх абласных гарадах і райцэнтрах.
Як выглядае з апублікаваных фота, у брэндаванні новая крама аддае перавагу беларускай мове.
«Фармат ГЦ размыўся». Як зараз жыве ГЦ Outleto, які хацеў скласці канкурэнцыю літоўскаму «Акропалісу»
«Я стала фанатам сэкандаў». Што людзі шукаюць у гэтых крамах і колькі гатовыя пакідаць там грошай?
«Экспабел» яшчэ некалькі дзесяцігоддзяў пражыве». Што цяпер з ГЦ, у якім некалі адкрыўся першы гіпермаркет у Беларусі?
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс21
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1717
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі17
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары