На сустрэчы з дэлегацыяй краін Афрыкі Уладзімір Пуцін паказаў праект «Дамовы аб пастаянным нейтралітэце і гарантыях бяспекі Украіны», падрыхтаваны ў сакавіку 2022 года ў Стамбуле. Яго падпісанне, па словах прэзідэнта РФ, было сарванае Украінай.
Паводле Пуціна, дакумент складаўся з 18 артыкулаў, а ў дадатку нібыта быў вызначаны максімальны памер украінскай арміі. Таксама ў ім былі пазначаныя ў якасці гарантаў бяспекі для Украіны Вялікабрытанія, Кітай, ЗША, Турцыя, Францыя і Беларусь.
На стамбульскіх перамовах нібыта таксама абмяркоўвалася колькасць асабовага складу і ўзбраенняў Узброеных сіл Украіны. Тут расійскія і ўкраінскія пазіцыі адрозніваюцца ў разы.
На тытульным лісце пазначана, што праект складзены па стане на 13 красавіка — праз два тыдні пасля адступлення расійскіх войскаў з-пад Кіева. Іншымі словамі, яно дакладна не адбылося ў рамках гэтай дамовы.
Таксама гэта здарылася ўжо пасля таго, як стала вядома пра масавыя забойствы мірных жыхароў у Бучы (Расія іх называе фэйкам і адмаўляе), што Украіна назвала прычынай спынення перамоваў з РФ.
Улады Украіны сапраўднасць дакумента не пацвердзілі.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары