Непасрэднай пагрозы наступальных дзеянняў з боку Беларусі няма — генерал Наеў
Камандуючы Аб'яднаных сіл Узброеных сіл Украіны генерал-лейтэнант Сяргей Наеў паведаміў пра актуальную сітуацыю на ўкраінскім памежжы.
«Акурат цяпер у паласе адказнасці Паўночнай групоўкі войскаў непасрэднай пагрозы наступальных дзеянняў наземных сіл для Украіны з боку Беларусі і Расіі няма», — сцвярджае генерал Наеў.
Калі ж пагроза будзе нарастаць, то «прадугледжваецца нарошчванне сіл і сродкаў, а таксама іншыя практычныя меры па павышэнні абаронных магчымасцяў групоўкі».
Паводле ўкраінскага военачальніка, «усе без выключэння вайскоўцы ў Паўночнай аперацыйнай зоне прафесійна выконваюць ускладзеныя на іх задачы. У сваю чаргу камандаванне паступова павялічвае абаронныя здольнасці і займаецца мерамі павышэння вывучанасці асабістага складу. Асабісты склад зладжаны, а камандзіры ведаюць, як правільна кіраваць падначаленымі і як дзейнічаць у выпадку неабходнага ўзмацнення».
Ацэнка сітуацыі Наевым з'явілася неўзабаве пасля таго, як прэзідэнт Украіны Уладзімір Зяленскі даручыў «выканаць комплекс мерапрыемстваў па ўзмацненні паўночнага напрамку».
З'явіліся свежыя спадарожнікавыя здымкі намётавага лагера, які ставіцца пад Асіповічамі. Маштабы ўражваюць
Залужны: Усе б здзівіліся, каб украінцы пайшлі ў наступ з лукамі і стрэламі, але чамусьці ўсе лічаць нармальным, што ўкраінцы ідуць у наступ без сучасных самалётаў
Польшча хоча размясціць на сваёй тэрыторыі ядзерную зброю ў адказ на размяшчэнне расійскай у Беларусі
Цяпер чытаюць
Лукашэнка: Што творыцца ў краіне, у нас усе гэтую гусь круцяць33
Каментары